(გურია ნიუსი, ოზურგეთი) _ 23 მაისს, ოზურგეთის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა. დღის წესრიგით გათვალისწინებული 7 საკითხიდან, მნიშვნელოვანი სოფლის ხელშეწყობის პროგრამით გათვალისწინებული თანხით განსაზღვრული პროექტების დამტკიცება იყო.
საკრებულოს სხდომას ოზურგეთის მუნიციპალიტეტის ყველა სოფლის რწმუნებული და მაჟორიტარი დეპუტატი ესწრებოდა. თითოეულმა მათგანმა სოფლის ხელშეწყობის პროგრამის ფარგლებში გამოყოფილი თანხით განსაზღვრული, გასახორციელებელი პროექტები წარმოადგინეს.
სოფლის ხელშეწყობის პროგრამით, ოზურგეთის მუნიციპალიტეტში სულ 1 085 044 ლარია გამოყოფილი: დაბა ლაითურში _ 40 237 ლარი, დაბა ნარუჯაში _ 33 708 ლარი, დაბა ურეკში _ 20 879 ლარი, დაბა ნასაკირალში _ 36 522 ლარი, ასკანაში _ 29 890 ლარი, ბაილეთში _ 29 809 ლარი, ბახვში _ 51 396 ლარი, ბოხვაურში _ 36 217 ლარი, გურიანთაში _ 40 342 ლარი, დვაბზუში _ 36 884 ლარი, ვაკიჯვარში _ 28 800 ლარი, თხინვალში _ 15 879ლარი, კონჭკათში _ 34 070 ლარი, ლიხაურში _ 54 513 ლარი, მაკვანეთში _ 42 206 ლარი, მელექედურში _ 25 186 ლარი, მერიაში _ 62 737 ლარი, მთისპირში _ 25 477 ლარი, ნაგომარში _ 30 050 ლარი, ნატანებში _ 77 190 ლარი, სოფ. ოზურგეთში 27 357ლარი, სილაურში _ 20 844 ლარი, შემოქმედში _ 67 830 ლარი, ცხემლისხიდში _ 37 281 ლარი, ძიმითში _ 36 144 ლარი, ჭანიეთში _ 26 768 ლარი, ჯუმათში ჴ 30 871 ლარი, შრომაში _ 85 957 ლარი.
ასევე, სხდომაზე განიხილეს და დაამტკიცეს ოზურგეთის მუნიციპალიტეტის გამგეობის სახანძრო-სამაშველო სამსახურის დებულება; ოზურგეთის მუნიციპალიტეტის საკრებულოს 2010 წლის 4 აგვისტოს “ოზურგეთის მუნიციპალიტეტის გამგეობის დებულების, #10 დადგენილებაში ცვლილებები და დამატებების შეტანის საკითხი. ოზურგეთის მუნიციპალიტეტის საკრებულოს 2010 წლის 6 ოქტომბრის “ოზურგეთის მუნიციპალიტეტის გამგეობის საჯარო მოსამსახურეთა თანამდებობრივი სარგოს დამტკიცების შესახებ” #26 დადგენილებაში ცვლილებებისა და დამატებების შეტანის შესახებაც იმსჯელეს.
