(გურია ნიუსი, ლანჩხუთი) _ ლანჩხუთში გურული დერბი გაიმართა _ ამხანაგურ ტესტ-შეხვედრაში “გურიამ” “მერცხალს” უმასპინძლა. შეხვედრა სტუმრების გამარჯვებით, 2:0 დასრულდა. კლუბები ჩემპიონატის დაწყებამდე კიდევ არაერთ მოსამზადებელ შეხვედრას გამართავენ. დერბიმდე გურულმა კლუბებმა ქუთაისის “ტორპედოსთან” გამართეს შეხვედრები _ სამწუხაროდ, ამბიციურ უმაღლესლიგელთან ორივემ დიდი ანგარიშით მარცხი განიცადა, მეტიც _ 7-7 გოლი გაუშვეს და მხოლოდ ის გვანუგეშებს, რომ ოზურგეთელებმა პირველი ტაიმი გოლგაუშვებლად ჩაატარეს, ხოლო “გურიამ” იმერელთა კარის დალაშქვრა ერთხელ მაინც მოახერხა.
