_ ჩვენ ვაყენებდით და კიდევ დავაყენებთ.
_ როგორც გამგებლის მოადგილემ გვითხრა, ჯაპანაში ანტენები უსასყიდლოდ დაარიგეთ.
_ გამგებლის მოადგილის ტელეფონის ნომერი მითხარით _ საჩუქრად მივუტან ანტენას და ძალიან მაინტერესებს, თუ იჩუქიებს. როცა ეს ანტენები დგება, თან ახლავს ხელშეკრულებები. წაიკითხოს გამგებლის მოადგილემ ხელშეკრულება და მიხვდება, რომ ეს საჩუქარი არ არის. ეს სურვილის მიხედვით ყენდება. რაც შეეხება ხელშეკრულებას, გარკვევით წერია, რომ ერთი წლის განმავლობაში დაყენება არის უფასო. თუ ერთი წლის გასვლამდე ორი-სამი თვით ადრე, აბონენტს სურვილი ექნება, რომ ანტენის დემონტაჟი მოხდეს, დარეკავს ხელშეკრულებაში მითითებულ ნომერზე და მოუხსნიან. თუ ექნება სურვილი, რომ ისევ ჰქონდეს ანტენა, 9 წლის განმავლობაში, ყოველ თვე, გადაიხდის 4 ლარს. ერთი წლის შემდეგ, ორი-სამი თვის მანძილზე, თუ არ მოხდება ამ 4 ლარის შეტანას, ხელშეკრულების თანახმად, აბონენტი ჯარიმდება და მას იმ თანხის 20 პროცენტის გადახდა მოუწევს, რაც 9 წლის განმავლობაში აქვს გადასახდელი. გადაიხდის სადღაც 88 ლარს და ანტენა მას დარჩება. შეიძლება ეს 9 წელი ცუდად ჟღერდეს, მაგრამ ამაში გასაკვირი და გასაოცარი არაფერია _ ეს განვადების ვარიანტია. ამაში საჩუქარი არაფერია, საჩუქარი ის არის, ვინმეს, რომ რამეს მიუტან და სამაგიეროდ არაფერს მოსთხოვ, _ აღნიშნა მოდებაძემ.
მისი თქმით, მიზანმიმართულად მიდის ხალხის დაშინების პროცესი, რომ “გლობალ TV”-ის ანტენები არ დაიდგან:
_ ვიცი, რომ ძალიან ბევრს უნდა ამ ანტენის დადგმა, მაგრამ აშინებენ, თუმცა, ვერ გავიგე, რატომ. მე ვაყენებ ამ ანტენებს და თუ მაგრები არიან, მე შემაშინონ, საქმე გამიფუჭონ. მიდიან მოსახლეობასთან და ეუბნებიან, პენსიას მოგიხსნით, დაგიჭერთ, რაიმეს ჩაგიდებთო. მე ჩამიდონ და მე მომიწყონ პროვოკაცია, თუ მაგრები არიან. ან კიდევ, პენსიას როგორ მოუხსნიან, ამას ხომ კანონი აწესრიგებს? ელემენტარულია ეს ყველაფერი და არ მესმის, ამას ხალხი როგორ ვერ ხვდება, _ დასძინა გოგიტა მოდებაძემ.
