“დღეს რომ მეინდომოს ოზურგეთის ხელისუფლებამ, შეიძლება, საღამომდე შეკრიბოს 30 ათასი კაცი!”

დღეს რომ მეინდომოს ოზურგეთის ხელისუფლებამ, შეიძლება, საღამომდე შეკრიბოს 30 ათასი კაცი აქ, ოზურგეთში, თორემ სამტრედიაში და იქით, ლანჩხუთში კი არა, _ ასე მიმართა ოზურგეთის საკრებულოს სხდომაზე სიტყვით გამოსულ ლელა ნაცვალაძეს ძიმითის მაჟორიტარმა შალვა თავდიშვილმა, რასაც ქალბატონი ლელას განრისხება მოჰყვა:

_ ეს თქვენ ამბობთ ამას? პრეზიდენტი არ იყო აჭარიდან რომ ოზურგეთში სტუდენტები ჩამოიყვანა და დააჯილდოვა? ეს ვინ, ნაციონალური მოძრაობა მელაპარაკება ხალხის გადაყვანა-გადმოყვანაზე?

გამწვავებული კამათის განეიტრალება ავთანდილ მექვაბიშვილმა სცადა:

_კაი, რა, დემოკრატიაა, ვის აინტერესებს ახლა, მიტინგზე ვინ დადის ან ვის უშლიან წასვლას?

ამ რეპლიკაზე ზოგს ირონიულად გაეღიმა. ვრცელ რეპორტაჟს საკრებულოს სხდომიდან “გურია ნიუსიდან” ხვალ შემოგთავაზებთ.