მინისტრმა 2013 წლის სამომავლო გეგმებზე ისაუბრა რეგიონების მიხედვით. ჟურნალისტებს დაურიგდათ მასალა როგორც საქართველოში, ისე რეგიონების მიხედვით განსახორციელებელი ინფრასტრუქტურული პროექტების შესახებ. შეხვედრა დაახლოებით სამი საათის განმავლობაში გაგრძელდა და მინისტრმა და მისმა მოადგილეებმა ყველა იმ კითხვას უპასუხეს, რაც რეგიონული მედიის ჟურნალისტებმა დაუსვეს.
“გურია ნიუსის კითხვაზე” _ მოხდება თუ არა უკვე განხორციელებული პროექტების ტენდერების კანონიერების შესწავლა და რა სახის სამუშაოები ჩატარდა ამ მიმართულებით სამინისტროში, _ დავით ნარმანიამ განაცხადა:
_სამინისტრო დეტალურად სწავლობს განხორციელებული და მიმდინარე პროექტების ხარჯთაღრიცხვებს (მასალებისა და სამუშაოების ღირებულებას) და ადგენს მათ შესაბამისობას რეალურ ფასებთან.
ადრინდელ პერიოდს ვერ მივუბრუნდებით, თუ რაიმე განცხადება არ ან საჩივარი არ იქნება შემოსული ამასთან დაკავშირებით. თუმცა, ძალიან აქტიურად დავიწყეთ მიმდინარე საქმეების შესწავლა და 10-ზე მეტი უკვე გადავგზავნეთ საგამოძიებო სამსახურში. გარდა ერთისა, ყველა ტენდერებს უკავშირდებოდა. ზოგან ხარჯთაღრიცხვები იყო არაწორად გაკეთებული, ზოგან მაღალი ფასები იყო, იყო დარღვევები ხარისხთან დაკავშირებით, კომპანიები ჩიოდნენ, რომ მათ ერთი პროექტები ჰქონდათ და ხარჯებიც შესაბამისად იყო გათვლილი და დამატებით, იძულებით, კიდევ სხვა პროექტების გაკეთებას ავალებდნენ.
შიდა აუდიტის სამსახური აბსოლუტურად შეცვლილი და რეაგირების გარეშე არაფერს დავტოვებთ. სისტემას ჩვენ მნიშვნელოვნად ცვლით და განსაკუთრებულ აქცენტს ვაკეთებთ ხარისხზე. ყველაფერი უნდა განხორციელდეს გონივრულ ვადებში, არ დავაჩქაროთ შემსრულებელი კომპანია, რომ არ დაირღვეს სიჩქარეში ხარისხი. შიდა აუდიტის სამსახური სატენდერო კომისიას ძალიან ყურადღებით გადაამოწმებს.
მაგალითად, კახეთში განხორციელებულ პროექტებში მასალებისა და მომსახურების ღირებულება არარეალურად მაღალია. ციფრები შევადარეთ მაშინ არსებულ ფასებს, ასევე ავიღეთ შეწონილი, მშენებელთა კავშირის მიერ დადგენილი ფასები და გავარკვიეთ, რომ დახარჯული თანხა არარეალურია. ეს ყველაფერი ტენდერით იყო განხორციელებული, მაგრამ ტენდერამდე საკითხი საპროექტომ უნდა შეისწავლოს და სანამ ტენდერს გამოაცხადებს, რეალური ფასი ჩადოს. ნადიკვრის შემთხვევაში აღმოვაჩინეთ, რომ არმატურის ფასი ტონაზე, საბაზრო ფასსთან შედარებით 470 ლარით მეტია, არის სამშენებლო სამუშაოები სადაც რეალურსა და პროექტით გათვალისწინებულ ფასს შორის 80 პროცენტიანი სხვაობაა. აქედან გამომდინარე ჩვენ ვკითხულობთ, რატომ მოხდა ისეთი ხარჯთაღრიცხვის დადება და შემდეგ ტენდერის გამოცხადება, რომელმაც სახელმწიფო აზარალა? დანარჩენი საგამოძიებო სამსახურების პრეროგატივაა, რომელიც დაადგენს კომპანია იყო ამაში ჩართული, მხოლოდ საპროექტოს ბრალეულობაა, თუ დამკვეთის,” _ განაცხადა ნარმანიამ “გურია ნიუსთან”.
