“გამოძიებას მიაჩნია, რომ მე ვიყავი ორგანიზებული დანაშაულებრივი ჯგუფის წევრი რომელიც სხვებთან შეთანხმებით ცდილობდა “ქართუ ბანკის” გაკოტრებას, რასაც ნამდვილად ვერ დავეთანხმები. ასევე მედავებიან რომ ზურაბ ადეიშვილის დავალებით ორგანიზებას ვუწევდი აუქციონებს, რომელიც ჩვენთან ელექტრონულ ფორმატში ტარდება. თითქოს აუქციონები უნდა დასრულებულიყო იმ შედეგით, რომ “ქართუ ბანკის” ქონება იძულების წესით რეალიზაციის შედეგად უნდა მიქცეულიყო სახელმწიფო საკუთრებაში. მტკიცებულებები საერთოდ არ დევს საქმეში. როგორც ჩანს გამოძიებამ ლოგიკური მსჯელობით დაადგინა, რომ ვინაიდან მე ვიყავი აღსრულების ეროვნული ბიუროს ხელმღვანელი აუცილებლად უნდა მიმეღო მონაწილეობა ამ სქემაში, რაც აბსურდულია.“-განაცხადა ნიკა მელიამ დღევანდელ პრესკონფერენციაზე.
ძველი თბილისის გამგებლის თქმით, მისგან გამოძიებას აინტერესებს როგორ ხდებოდა აუქციონში მონაწილე პირების გააქტიურება საგარანტიო თანხის გადახდის გარეშე.
” სიმართლე გითხრათ, ეს მეც მაინტერესებს, რადგან აღსრულების ბიუროს არ ჰყავს საკუთარი აი-ტი სამსახური და ეს სერვისი გარედან ხდებოდა. შესაძლოა იქ იყო პროცედურული დარღვევები, მაგრამ ეს იმას არ ნიშნავს, რომ ჩემი დანაშაული იყო.” _ აცხადებს ნიკა მელია.
ნიკა მელიას ბრალი ედება ქონების გადამალვაში, რასაც ასევე უარყოფს.
“ჩემი ბრალეულობა უფრო სურვილს ჰგავს ვიდრე რეალურ ფაქტს.”-განაცხადა მან დღევანდელ პრესკონფერენციაზე.ჯაბა ებანოიძის მიერ მიცემულ აღიარებით ჩვენებაში მელია არ ფიგურირებს
ძველი თბილისის გამგებელი თბილისის საქალაქო სასამართლოს გადაწყვეტილებას სააპელაციო წესით გასაჩივრებას დღეს გეგმავს
“როდესაც ბედუკაძეს 2 ათას ლარს უფარდებ, ბედუკაძე ხომ არ იყო კადრების გამავრცელებელი და თვითონაც აღიარებს უშუალო მონაწილეობას წამებაში, როცა ასეთ ადამიანს უფარდებენ ორი ათასს და მე 25 ათასს უბრალოდ, ადამიანურადაც საწყენია“
ნიკა მელია სჯერა, რომ საქმის არსებითი განხილვა მის მიმართ წარდგენილი ბრალის აბსურდულობას დაამტკიცებს და ის გამართლდება.
