“გურია ნიუსთან” სოციალური მომსახურების სააგენტოს კონტროლის დეპარტამენტის უფროსი პავლე ცაძიკიძე განმარტავს, რომ “ბენეფიციალებს დიდი ხელფასები აქვთ ჩარიცხული. მაგალითად, მე პავლე ცაძიკიძეს თვეში 1500 ლარი მაქვს გაწერილი. რეალურად მოდის ბენეფიციალი და ამბობს რომ მე ავიღე 500 ლარი. სად წავიდა 1000 ლარი?! ფულის გათეთრება ხდება. იცით რატომ აკეთებენ ამას? მე ორგანიზაცია, რომელმაც მოგების გადასახადი უნდა გადავიხადო, თანხას მაქსიმალურად ვწერ სახელფასო ფონდში და მოგების გადასახადს ბიუჯეტში უკვე ნაკლებს ვიხდი. აი ეს არის მთელი მიზეზი”
_ მაღალი სახელფასო ჩარიცხვების გამო “ალდაგმა” გაგვიცხადა, ეს ტექნიკური შეცდომა იყოო…
_ რამდენჯერ? რამდენზე იყო ტექნიკური შეცდომა. ტექნიკური შეცდომა კი არ იყო, ახლა ფინანსური პოლიცია რომ დაინტერესდება ყველაფერს გაშიფრავს და დაალაგებს, მერე გამოჩნდება სად იყო ტექნიკური შეცდომა. ერთზე შეიძლება, თან ერთი თვე, 10-ზე ერთი თვე იყოს. 100-ზე იყოს ერთი თვე, მაგრამ სისტემატიურ ხასიათს, რომ იღებს? ეს არ არის ტექნიკური შეცდომა. ეს რის მიზნობრივად გაკეთებული. ასეთი რამდენიმე ორგანიზაციაა 30-მდე ორგანიზაციის შესახებ ინფორმაცია ფინანსურ გადავეცით.
_სოციალურად დაუცველთა ბაზაში შესული ადამიანების გადამოწმება თუ იგეგმება?
_ ბაზაში შესული ადამიანების შემოწმება ნამდვილად იგეგმება. მაგალითს გეტყვით, დირექტორთან მოქალაქეების მიღებას მეც ვესწრები. მობრძანდა ერთ-ერთი მოქალაქე და თქვა, რომ თეთრიწყაროს რაიონში, სოფელ მაწევარში ძალიან ბევრი ოჯახია, რომელსაც სოციალური დახმარება არ ეკუთვნის და იღებენ. ჩვენ უკვე გაუშვით ჯგუფი, რომელიც ამ ინფორმაციის სინამდვილეს გადაამოწმებს.
ჩვენ, მედიის და მოსახლეობის დახმარება გვჭირდება ასეთი ინფორმაციების შესახებ. ჩვენთან შემოსული ყველა ინფორმაცია კონფიდენციალურია.
2010 წლიდან დავიწყე მუშაობა. 2011 წლისთვის 500 000-ზე მეტი ბენეფიციალიდან 320 ათასზე ჩამოვიყვანეთ. თქვენ წარმოიდგინეთ, რამდენს არ ეკუთვნოდა და იღებდა დახმარებას?
შარშან კი გუბერნატორების სიებიო, აქეთ რეკომენდაციებიო და ავარდა 500 000-ზე ბენეფიციალი. ახლა დავალება გვაქვს მიღებული დავიწყოთ დაფილტვრა. ახლა უკვე ჩვენმა დეპარტამენტმა ბენეფიციალი 400 ათასზე ჩამოიყვანა. თქვენ წარმოიდგინეთ, ის რაც ჩვენმა სააგენტომ შეაჩერა. 2 თვეა “ნაციონალური მოძრაობა” გვადანაშაულებს უკანონოდ შეუჩერესო. 70% შეუწყდა დახმარება, რომელსაც ორგანიზაციებიდან დიდი ოდენობის თანხა ერიცხებოდათ. ეს 70% სად არის, რატომ არ გამოთქვამენ პრეტენზიას. სად არიან ის ლიდერები, მერია აქტიურობდა, რატომ არ გამოთქვამენ პრეტენზიას?
ახლა დავიწყეთ მუშაობა გუბერნატორების მიერ მოწოდებულ სიებზე. ნახეთ აქ რამდენს შეუჩერდება. რა, არ არის მოსახლეობა მართალი? ეს სამართლიანი გულისწყრომაა. ბევრი ვინმე იღებს სოციალური დახმარებას, რომელსაც არ ეკუთვნის. ვისაც ეკუთვნის, მას არ აქვს.
_ შეიცვლება თუ არა სარეიტინგო ქულების გამოთვლის მეთოდოლოგია?
_ აუცილებლად. მეთოდოლიგია არის დასახვეწი. სარეიტინგო ქულების გამოთვლის ახალი მეთოდოლოგია იქნება. სოციალურად დაუცველთა სიაში ისეთი ადამიანებია მოხვედრილი, რომლებსაც არ ეკუთვნით დახმარება. როდესაც “სოცაგენტი” ვიზიტს გააკეთებს ოჯახში, რამდენიმე კითხვა ექნებათ, რითაც ოჯახის ფსიქოლოგიურ მდგომარეობას დავადგენთ.
მოდით ვთქვათ, ჰიგიენური მოხმარების საგნები, ძალიან ბევრი ოჯახი ვიცი, რომლებსაც უჭირს. როგორ შეიძლება საპონი, კბილის ჯაგრისი, კბილის პასტა, სარეცხი ფხვნილი არ ჰქონდეს? გგონიათ ეს ყველაფერი არ წევს ქულას? ესენი თუ გაქვს, დეკლარაციაში საგრძნობლად იწევს ქულა. თუ ქვეყანაში ეკონომიკურ დონეს ვწევთ, მაშინ პარალელურ რეჟიმში უნდა შეიცვალოს დეკლარაციის შევსების მეთოდოლოგია. ჩემი აზრით, ჩვენ უნდა შევაფასოთ ოჯახური მდგომარეობა რეალური შემოსავლებიდან გამომდინარე.
ადრე ასეთი მიდგომა იყო. შარშან, შარშან წინ ვაკეში თუ ცხოვრობდა პიროვნება და დახმარებას ითხოვდა, ჩვენი სამინისტროს ყოფილი ხელმძღვანელობა გამოსავალს იცით რას ნახულობდა? გაყიდოს ვაკეში ბინა და იყიდოს გლდანში. ეს წარმოუდგენელია. მე, შენ სამინისტროს გთხოვ, შეისწავლო ჩემი ეკონომიური მდგომარეობა და არ იმას, მე ბიზნეს გეგმა მასწავლო. შენ რეალურად შეაფასე ჩემი სოციალური მდგომარეობა. რა მაქვს შემოსავალი. კრიზისულ მდგომარეობაში ვარ და მჭირდება სოციალური დახმარება. ეს არის ის პერიოდი რომელიც უნდა გადავაგოროთ.
_ აპირებთ თუ არა სოციალურად დაუცველებს დახმარება გაუზარდოთ?
_ პრემიერ-მინისტრის და ბატონო ჯანდაცვის მინისტრის გადაწყვეტილებით სოციალური ბენეფიციალებისთვის დახმარების თანხა ორმაგდება. 1 სექტემბრიდან 30 ლარი გახდება 60 ლარი. თუ 3 სულიანი ოჯახი აქამდე 54 ლარს იღებდა, ახლა 108 ლარს მიიღებს.
რეგიონებში, სამეგრელოში, კახეთში, აჭარაში იყო შემთხვევა, ჩვენს ბენეფიციალებს “წითელმა ჯვარმა” შესთავაზა ძროხას გიყიდითო, მაგრამ ბენეფიციალმა უარი განაცხადა. 7 სულიანმა ოჯახმა, რომელიც თვეში 200 ლარს იღებდა უარი განაცხადა. მე ძროხა რომ ვიყიდო, დეკლარაციაში შემიტანენ და შეიძლება დახმარება მომეხსნას, თან ძროხას საკვები უნდა, მოვლა – პატრონობაო. იცით რა საშიშროება დგას, თვეში ბენეფიციალის დახმარება 200 ლარი 400 ლარი გახდება, ეს გაზარმაცებას ხომ არ გამოიწვევს?
