_ ”ნაციონალური მოძრაობის” შიდა პარტიულ დაპირისპირებასა და ომს ადამიანების მსხვერპლად შეწირვა მოყვა, სწორედ ამ კუთხით გვაინტერესებს აღნიშნული საკითხების გამოძიება. მათ შიდა პარტიულ ომში ჩართვას ჩვენ არ ვაპირებთ. რაც შეეხება პოლიტიკურ ჭრილში ამ საკითხის განხილვას, მე, პირადად, ყოველთვის მქონდა განცდა, რომ იყო მითი, როდესაც საუბრობდნენ, რომ “ნაციონალური მოძრაობა” ეს არის მონოლითური გუნდი. შიდა დაპირისპრების თაობაზე ყოველთვის იყო ინფორმაცია, თუმცა ეს გარეგნულად და ხელოვნურად არ ჩანდა. ალბათ, როდესაც დგება კრიტიკული ეტაპი და ეს კრიტიკული ეტაპია “ნაციონალური მოძრაობის” არჩევნებში დამარცხება, ალბათ უკვე ბევრი რამ სააშკარაოზე გამოდის, ფაქტია, ის რომ უმძიმეს საკითხებზეა საუბარი. ვინ არის მსხვერპლი და ვინ ორგანიზატორი ამის განხილვა განცხადებების ომითა და საპასუხო კომენტარებით რთული იქნება. ვფიქრობ, ეს არის ძალიან სერიოზული გამოძიების საგანი, ვის რა როლი მიუძღვის და ვინ რა დოზით მონაწილეობდა ამ დანაშაულებრივ სქემებსა და რეჟიმის შექმნაში, რომელსაც ადამიანები ემსხვერპლნენ; ეს უკვე გამოძიების საქმეა და ჩვენ, ბუნებრივია, ამ კუთხით უფრო დავინტერესდებით, რომ ყველაფერი იყოს გამოძიებული, განსაკუთრებით როდესაც საქმე ეხება ძალიან მაღალი და პოლიტიკური თანამდებობის პირებს, _ წერს ბესელია სოციალურ ქსელ ფეისბუქში.
