მეტროსადგურ “უნივერსიტეტის“ მშენებლობა დაგეგმილ ვადებში ხორციელდება
მეტროსადგურ “უნივერსიტეტის” მშენებლობა დადგენილი ვადებით ხორციელდება. თბილისის მერის გიგი უგულავას განცხადებასთან დაკავშირებით, რომ პროექტის განსახორციელებლად ხელისუფლების პოლიტიკური ნებაა საჭირო, მუნიციპალური განვითარების ფონდი აცხადებს, რომ მშენებლობების განხორციელება მთავრობის არა მხოლოდ ნება არამედ პრიორიტეტია. მაღლივ კორპუსთან მეტროსადგურის რეაბილიტაცია და დასრულება, რომელიც აზიის განვითარების ბანკის მიერ გამოყოფილი თანხებით უნდა მოხდეს, გეგმის მიხედვით ხორციელდება და წლის ბოლოს იქ ფიზიკური სამუშაოებიც დაიწყება. მანამდე კი აზიის განვითარების ბანკთან მჭიდრო თანამშრომლობის ფარგლებში პროექტი საქართველოს კანონმდებლობის მოთხოვნის შესაბამისად ყველა შესაბამის დონეზე ექსპერტიზას გადის. სწორედ იმიტომ, რომ საქართველოს მთავრობის ნება და მიზანია ყველა პროექტი დადგენილ ვადებში და რაც მთავარია ხარისხიანად განხორციელდეს.
თბილისის მეტროს მეორე ხაზის დასრულების და მეტროსადგურ “უნივერსიტეტის” მშენებლობასთან დაკავშირებით 2012 წლის დეკემბერში ესპანურმა საკონსულტაციო ფირმა “ეუროესტუდიომ”–მ მუნიციპალური განვითარების ფონდს სამშენებლო სამუშაოების დეტალური პროექტი წარუდგინა. პროექტი ამის შემდეგ თბილისის სატრანსპორტო კომპანიამ განიხილა და თავისი შენიშვნები მოგვაწოდა. ამჟამად პროექტი საქართველოს კანონმდებლობით მოთხოვნილ ექსპერტიზას გადის. ამასთან აზიის განვითარების ბანკის მოთხოვნით, პროექტი პარალელურად დამოუკიდებელი საერთაშორისო ექსპერტის მიერაც შემოწმდება. ყველა საჭირო პროცედურის გავლისა და აზიის განვითარების ბანკისგან თანხმობის მიღების შემდეგ მუნიციპალური განვითარების ფონდი შემოდგომაზე ტენდერს გამოაცხადებს.
შესაბამისად გვინდა ვაცნობოთ ქალაქის მერს, რომ პროექტის განხორციელებისთვის დადგენილი ვადები არ ირღვევა. 2013 წლის დეკემბერში ტენდერში გმარჯვებული კონტრაქტორი კომპანია მგფ–ის გეგმის მიხედვით ფიზიკური სამუშაოების შესრულებას დაიწყებს. ამდენად თბილისის მერის გიგი უგულავას განცხადება, რომ მისი ინფორმაციით წლის ბოლოსთვის ფიზიკური სამუშაოები უნდა დიწყოს, მგფ–ის გეგმებს სრულად შეესაბამება.
რაც შეეხება სამშენებლო სამუშაოების სრულად განხორციელების ვადებს, ჩვენიგათვლებით სამუშაოები 2 წელიწადში დასრულდება, შესაბამისად ვადები აქაცდაცულია.
თბილისის მეტროს მეორე ხაზის დასრულების და მეტროსადგურ”უნივერსიტეტის” მშენებლობის ღირებულება 45 მილიონი აშშ დოლარია.
