დაკავებულებმა ნინოწმინდის რაიონის სასაზღვრო გამშვები პუნქტის გავლით სომხეთის რესპუბლიკიდან საქართველოში არადეკლარირებული ოქროს ნივთები შემოიტანეს. ექსპერტიზამ დაადგინა, რომ უკანონოდ შემოტანილი საიუველირო ნივთები 229,73 გრ ოქროს სხვადასხვა ნაკეთობაა.
გამოძიება საქართველოს საბაჟო საზღვარზე საქონლის გადაადგილებასთან დაკავშირებული წესის დარღვევის ფაქტზე მიმდინარეობს (საქართველოს სისხლის სამართლის კოდექსის 214–ე მუხლის მე–5 ნაწილის „დ“ ქვეპუნქტით მიმდინარეობს). გამოძიებას შსს–ს სასაზღვრო პოლიციის საგამოძიებო–ოპერატიული მთავარი სამმართველო აწარმოებს.
