გიორგი ონიანი: “როგორც საზოგადოებისთვის ცნობილია, 2006 წლის 26 მარტს, მოხდა ე.წ. “ციხის ბუნტი” _ პატიმართა მხრიდან ადგილი ჰქონდა ორგანიზებულ თავდასხმას სასჯელაღსრულების დეპარტამენტის თანამშრომლებზე. ამის შემდეგ ჩატარდა გამოძიება და სასამართლომ 2007 წლის 2 აპრილს გამოიტანა განაჩენი, რომლითაც 6 პიროვნებას კანონიერ ქურდებს და კრიმინალურ ავტორიტეტებს ამ ბუნტთან დაკავშირებით მიესაჯათ თავისუფლების აღკვეთა. მათ ბრალად ედებათ ზემოთ აღნიშნული ბუნტის ორგანიზება. აღნიშნული განაჩენი ემყარებოდა როგორც უტყუარ მტკიცებულებებს, ასევე პირთა ჩვენებებს, აღნიშნული პიროვნებები იყვნენ მაშინდელი სასჯელაღსრულების დეპარტამენტის თანამშრომლები. მათ შორის გიორგი ფოლადაშვილი, არსენ ხუბუა, მალხაზ ინაურიძე, ვლადიმერ ჯაფარიძე, იმედა ლიპარტელიანი და გიორგი ხუხია. ეს ადამიანები არაერთხელ იყვნენ დაკითხულები. სასამართლომ გაიზიარა მათი ჩვენებები და ბუნტის ორგანიზებისთვის მათ მიესაჯათ 6-დან 8 წლამდე თავისუფლების აღკვეთა. ამის შემდეგ, როცა ბაჩო ახალაია 2012 წელს 6 ნოემბერს დაბრუნდა საქართველოში, დღევანდელმა ხელისუფლებამ განაახლა აღნიშნულ საქმეზე გამოძიება, დაიკითხნენ თავიდან ეს პირები და პირველი დაკითხვის დროს ამ ადამიანებმა დააფიქსირეს ზუსტად ის, რასაც აფიქსირებდნენ 2006-2007 წლებში. მაგრამ 2-3 დღის შემდეგ ყველა ამ ადამიანს გაუჩნდა სურვილი, მიმართეს განცხადებებით პროკურატურას და აბსოლუტურად შეცვალეს თავიანთი პირვანდელი ჩვენებები. სწორედ ზემოაღნიშნულიდან გამომდინარე, მათ ჩაიდინეს არა ერთი დანაშაული. პირველი ის, რომ ამ ადამიანების ჩვენებებით გამოცვლილია განაჩენი და კონკრეტული პირებია პასუხისგებაში მიცემული, თუ ეს ადამიანები ამდენი ხნის განმავლობაში არასწორ ჩვენებას იძლეოდნენ, ეს არის ცილისწამება, რაზეც კონკრეტული მუხლი არსებობს, ასევე ისჯება კანონით საკუთარი ჩვენების შეცვლა.
მალხაზ ინაურის შემთხვევაში, როდესაც მან 2006 წელს პატაკით მიმართა ბაჩო ახალაიას, რომ მან მიიღო ინფორმაცია, კონკრეტული პირები აორგანიზებენ ბუნტს და სწორედ ამის შემდეგ დაიწყო ოპერატიული ღონისძიებების გატარება. ამ შემთხვევაში ადგილი აქვს დოკუმენტის გაყალბებას სისხლის სამართლის საქმეში და თუ ეს ყველაფერი მათ ჩაიდინეს, ისმის კითხვა, რატომ არ არიან ამდენ ხანს პასუხისგებაში მიცემულნი?
ჩვენ დღეს დავდეთ მათ მიერ მიცემული ჩვენებები, ასევე სასამართლოს სხდომების ოქმები, სასამართლო განაჩენი და განცხადებით მივმართავთ მთავარ პროკურორს. მოვითხოვთ მისგან სასწრაფოდ დაიწყოს გამოძიება აღნიშნული პირების მიერ ზემოაღნიშნული დანაშაულების ჩადენასთან დაკავშირებით. აღნიშნული პირები აუცილებლად უნდა მიეცნენ პასუხისგებაში, ვინაიდან რომელი ჩვენებაც არ უნდა იყოს მათი მართალი, მაინც არ შეიძლება იყოს გაზიარებული სასამართლოს მიერ, რადგან ეს ადამიანები რამოდენიმეჯერ ცვლიან თავის ჩვენებას. აღსანიშნავია, რომ ის 6 ადამიანი სასჯელს სწორედ ამ შეცვლილი ჩვენებების გამო იხდიან, სწორედ ეს არის დღევანდელი პრესკონფერენციის ძირითადი თემა და საფუძველი.”
პრესკონფერენციის დასასრულს, ინაურმა უპასუხა ჟურნალისტების შეკითხვებს და დააკონკრეტა, რომ საქმე შეეხება 6 მოწმეს, რომელთა შესახებაც ისაუბრა პრესკონფერენციის დროს.
