თითქმის ერთი წელია, რაც მარიამი გაზეთი “გურია ნიუსის” რედაქციაში მოსახვედრად, რამდენიმე კილომეტრს ფეხით, შემდეგ, კი, მიკრო ავტობუსით გადის. მარიამი “მედია წიგნიერება ახალგაზრდებისთვის” პროექტის მონაწილეა და მედიასახლ “გურია ნიუსის” ბაზაზე გამომავალი გაზეთისთვის “21-ს ქვევით” სტატიებს წერს. ის ახლა 17 წლისაა და გაზეთისთვისაც ახალგაზრდების პრობლემებზე წერს.
მარიამზე, აირექსმა, რომელიც მედია წიგნიერების პროექტს აფინანსებს ფილმი გააკეთა.
“ძალიან მიყვარს ჩემი სოფელი, მაგრამ რაიონში ცხოვრება მრავალფეროვნებით არ გამოირჩევა. აქ არც გასართობი ადგილები, კინო და თეატრია, და არც საინტერესო ღონისძიებები იმართება,” _ ამბობს მარიამი. დილას სკოლა, შუადღისას გაზეთის რედაქცია და საღამოს თუ დედა სახლში არ არის, საოჯახო საქმეების მოგვარება _ ასეთია მარიამის ჩვეულებრივი დღე.
_ “თუ დავაგვიანე, ან ძალიან დაღლილი მოვედი, მარიამი პურს გამომცხვარს, ღორებს და ქათმებს დაპურებულს და სახლს დალაგებულს მახვედრებს ხოლმე,” _ ამბობს მარიამის დედა, ლია დვალიშვილი. მას შვილის პროფესიული არჩევანი არ მოსწონს.
_ “მე არ მინდა რომ მარიამი ჟურნალისტობას გაყვეს. ეს პროფესია ქალისთვის რავიცი, ოჯახი და ჟურნალისტი ცოტა შორსაა ერთმანეთისგან, მაგრამ მას უნდა ძალიან. მარიამი ყველაფერს აკეთებს თავისი მიზნის მისაღწევად და თუ თვითონ ცხოვრებას ააწყობს მეც კმაყოფილი ვიქნები,“- ამბობს მარიამის დედა.
