პროექტი უკვე შედგენილია და 21 აგვისტოს, საკრებულოს სხდომაზე გახდება ცნობილი, დაუჭერს თუ არა საკრებულოს დეპუტატები ახალ პროექტს მხარს.
ამ ეტაპზე, დაუდგენელია გარდაცვლილის სასაფლაოზე დაკრძალვის საფასური. პროექტის მე-7 მუხლში გაწერილია გარდაცვლილის სასაფლაოზე დაკრძალვის წესი და საფასური, მაგრამ კონკრეტულად არ არის მინიშნებული თანხის რაოდენობა: “ჭირისუფლის მიერ მმართველისადმი მიმართვის შემთხვევაში, სასაფლაოზე ოზურგეთის მუნიციპალიტეტის საკრებულოს მიერ დადგენილი მინიმალური საფასურის გადახდის საფუძველზე, გაიცემა ორსამარიანი საფლავის ან საფლავის გვერდიგვერდ არსებული 2 სამარის ადგილი მიცვალებულისა და მისი მეუღლის დასაკრძალავად, ხოლო იმ შემთხვევაში, თუკი მიცვალებულის მეუღლე გარდაცვლილია ან მიცვალებული არ იმყოფებოდა ქორწინებაში ან დაინტერესებულმა პირმა გადაიხადა მხოლოდ 1 სამარის საფასური, მაშინ მიცვალებულზე გამოიყოფა ერთსამარიანი საფლავის ადგილი ან საფლავის 1 სამარე. თუკი ჭირისუფალს დასაკრძალი ჰყავს რამდენიმე მიცვალებული, რომლებიც ერთი ოჯახის წევრები არიან, მაშინ მინიმალური საფასურის გადახდის სანაცვლოდ იმდენი ადგილი გაიცემა, რამდენიც მიცვალებულია. ასეთ შემთხვევაში, თუკი არის შესაძლებლობა, საფლავის ადგილები გაიცემა გვერდიგვერდ. საფლავის (სამარის) გამოყოფისა და მმართველის მიერ გაწეული სასაფლაო მომსახურების სახეობები და საფასურები, ასევე მისი გადახდისაგან გათავისუფლებისა და შეღავათების გაწევის წესი და შემთხვევები განისაზღვრება ოზურგეთის მუნიციპალიტეტის საკრებულოს ცალკე სამართლებრივი აქტით. გარდაცვლილის სასაფლაოზე დაკრძალვის შესახებ მმართველი გარდაცვლილის ჭირისუფალზე (მათგან დაინტერესებულ პირზე) გასცემს შესაბამის მოწმობას მისი აღრიცხვის რიგითობისა და საფლავის (სამარის) ნომრის მითითებით. სასაფლაოზე დაკრძალულ პირთან დაკავშირებით გასაცემი მოწმობის ფორმას ამტკიცებს ოზურგეთის მუნიციპალიტეტის საკრებულო. სასაფლაოს მართვის მიზნით შექმნილი იურიდიული პირის მიერ გაწეული მომსახურების საფასური დამოკიდებულია ჭირისუფლის (დაინტერესებული პირის) მოთხოვნებზე (მაგ.: საფლავის კეთილმოწყობა, საფლავის ქვის (ძეგლის) დამზადება და სხვ.) და იგი განისაზღვრება მმართველსა და ჭირისუფლის წარმომადგენელს (დაინტერესებულ პირს) შორის გაფორმებული ხელშეკრულებით. ამ პუნქტით გათვალისწინებულ შემთხვევაში, მმართველის მიერ მომსახურების საფასური უნდა განისაზღვროს ამ იურიდიული პირის ინტერესებიდან გამომდინარე, საბაზრო ეკონომიკის პრინციპებზე დაყრდნობით. სასაფლაოს მიწის ნაკვეთი წარმოადგენს არასასოფლო სამეურნეო მიწას. 1 მ2 მიწის ღირებულება ზონების მიხედვით განსაზღვრულია ოზურგეთის მუნიციპალიტეტის საკრებულოს დადგენილებით,” _ წერია პროექტის 7 მუხლში.
ოზურგეთის მუნიციპალიტეტის საკრებულოში გვითხრეს, რომ თუ რამდენი იქნება გარდაცვლილის სასაფლაოზე დაკრძალვის საფასური, ეს საკრებულოს მორიგ სხდომაზე გახდება ცნობილი.
