განიხილეს, თუ რა ვითარებაა დღეს ოზურგეთის მუნიციპალიტეტში სამართლიანობის აღდგენის კუთხით. მათი განცხადებით, სამართლიანობის აღდგენა ოზურგეთში ფაქტიურად ნულის ტოლია. გოჩა ძიმისტარაშვილის განცხადებით, ოზურგეთში არჩევნების შემდეგ არაფერი შეცვლილა და არც არაფერი გაკეთებულა. მათ ოზურგეთში არსებულ სხვადასხვა პრობლემებზეც იმსჯელეს.
ლელა ნაცვალაძე, ოზურგეთის მუნიციპალიტეტის საკრებულოს წევრი: გამგებელი კოტე შარაშენიძე იყო და არის “ ნაციონალური“ მოძრაობის“ პროექტი, “ქართული ოცნების“ ოფისს მე პირადად ვუწოდე კიდეც “ნაციონალების“ ფილიალი. იმის გამო, რომ მისი სახლი დაუთმო “ქართულ ოცნებას“ და გაიღო ეს “მსხვერპლი“. ეს იყო გაიძვერული გადაწყვეტილება, ეკონტროლებინა ამით სიტუაცია და “ქართული ოცნება“ ვალში ყოფილიყო მასთან. სწორედ ამის გამო გახდა ის გამგებელი. დღეს ფაქტიურად კოალიცია არ არსებობს ოზურგეთში და არის აბსოლუტური “ნაციონალიზაცია“
გოჩა ძიმისტარაშვილმა ისაუბრა გაგა მკურნალიძის მამის, ავთანდილ მკურნალიძის მიერ ოზურგეთის ბაზარში უკანონოდ დაუფლებული ფართის შესახებ. მისი განცხადებით, გამგეობას შეეძლო ის ხელშეკრულება, რომელიც გაფორმებული იყო გამგეობასა და მკურნალიძეს შორის, გაეუქმებინა, თუმცა მოქალაქეების თხოვნა და ინტერესი, ძიმისტარაშვილის განცხადებით, შარაშენიძემ არ გაითვალისწინა.
შეხვედრაზე ასევე ისაუბრეს სხვა საკითხებზეც. დოქტორმა ნანული ორაგველიძემ ბენდუქიძის მიერ ანასეულის ინსტიტუტის ჩაქვის ფილიალის განადგურებაზე ილაპარაკა. ბენდუქიძეს, ხელშეკრულების თანახმად, 8 წლის განმავლობაში უნდა შეენარჩუნებინა ინსტიტუტისთვის პროფილი, მაგრამ დღეს ჩაქვის ფილიალის შენობა, რომელიც რომანოვების მიერაა აშენებული, გასაყიდად გამოაქვს. მეცნიერებმა ღია წერილით ბიძინა ივანიშვილს მიმართეს…
მწვავე დისკუსია გაიმართა ასევე თხილის ფასებთან დაკავშირებითაც. „ქართული ოცნების“ წევრის, ნუგზარ გიორგაძის თქმით, თხილის ფასს ოზურგეთში ბიზნესმენ ბეგი სიორიძის გუნდი არეგულირებს, რომელიც გზას უკეტავს ინვესტორებს და ხელოვნურად დაბლა წევენ ფასს.
