გამოძიებამ დაადგინა, რომ ბრალდებულმა 20 შეკვრად დაფასოებული ნარკოტიკული ნივთიერება “ჰეროინი” თურქეთიდან საქართველოში სხეულით შემოიტანა. ექსპერტიზის დასკვნით ამოღებულია 1,0032 გრ “ჰეროინი”.
ნარკოლოგიური შემოწმებით დადგინდა, რომ დაკავებისას პაპუნა მ. ნარკოტიკული ნივთიერების ზემოქმედების ქვეშ იმყოფებოდა.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გადაზიდვის და საქართველოში უკანონოდ შემოტანის ფაქტზე მიმდინარეობს (საქართველოს სსკ-ის 260-ე მუხლის მე-3 ნაწილის “ა” ქვეპუნქტით და 262-ე მუხლის მე-4 ნაწილის “ა” ქვეპუნქტით). ჩადენილი დანაშაული რვიდან ოც წლამდე ან უვადო თავისუფლების აღკვეთას ითვალისწინებს.
