ქართველი კალათბურთელები 7 სექტემბერს ტურნირის მასპინძელ და ევროპირველობის ერთ-ერთ ფავორიტ სლოვენიასთან დაძაბულ შეხვედრაში ბოლო წამებზე 68:72 დამარცხდნენ, 8 სექტემბერს კი ჩეხეთის ნაკრებთან დიდი ანგარიშით 79:95 წააგეს და მეორე ეტაპზე გასვლის შანსი დაკარგეს. სპორტისა და ახალგაზრდობის საქმეთა სამინისტროს პრესსამსახურის ინფორმაციით, დღეს, პირველი ჯგუფური ეტაპის დასკვნით ტურში საქართველოს ნაკრები ესპანეთის ნაკრებს ეთამაშება.
