“კვირის თემა“ წინასაარჩევნო პერიოდსა და ადმინისტრაციული რესურსების გამოყენებაზე

გადაცემის სტუმრები ახალგაზრდა იურისტთა ასოციაციის ოზურგეთის ოფისის ხელმძღვანელი თამაზ ტრაპაიძე და გიორგი მარგველაშვილის ჩოხატაურის საარჩევნო შტაბის ხელმძღვანელი ირაკლი კუჭავა არიან. გადაცემაში დავით ბაქრაძის ლანჩხუთის საარჩევნო შტაბის ხელმძღვანელი კახა ასკურავა და ნინო ბურჯანაძის ოზურგეთის საარჩევნო შტაბის ხელმძღვანელის მოადგილე, კახა კეჭაყმაძე ჩაგვერთვნენ.

დისკუსია სტუმრებს შორის საკმაოდ საინტერესოდ წარიმართა. კახა ასკურავამ, ექსკლუზიურად ჩვენ გადაცემაში გაახმოვანა ინფორმაცია, რომლის თანახმად, ლანჩხუთის #2 საჯარო სკოლაში, 17 სექტემბერს მაჟორიტარმა დეპუტატმა, მარგველაშვილის შტაბის ხელმძღვანელთან ერთად, საჩუქრები დაარიგა.

აქვს თუ არა ადგილი ხელისუფლების მხრიდან ადმინისტრაციული რესურსის გამოყენებას, აშანტაჟებს თუ არა დავით ბაქრაძის ლანჩხუთის საარჩევნო შტაბის ხელმძღვანელი საჯარო მოხელეებს და რა ბრალდებები აქვს  ხელისუფლების მიმართ ნინო ბურჯანაძის საარჩევნო შტაბს, ჩვენი გადაცემიდან შეიტყობთ.