“ბრუკლინ ნეთსის” ქართველმა ფორვარდმა “დენვერთან” მატჩში 17,39 წუთი ითამაშა და თავი 7 ქულას მოუყარა. სამწუხაროდ, ბრუკლინელები უშანსოდ დამარცხდნენ _ 87:111
“ნეთსის” კიდევ ერთმა ვარსკვლავმა ტრავმა მიიღო: პოლ პირსმა ხელი მოიტეხა, რაც დამატებითი შანსია ბრუკლინელი სათადარიგოებისთვის. ლიდერთა ტრვმებმა გუნდის ახალგაზრდებს გზაგაუხსნა გაუხსნა – ტაიშონ ტეილორი სულაც სასტარტო გახდა, მეისონ პლუმლის და თორნიკე შენგელიას კი სისტემატიურად ეძლევათ სათამაშო დრო.
შენგელიამ თავი საკმაოდ კარგად წარმოაჩინა. ქართველმა ფორვარდმა 6-დან 3 ორქულიანი და 2-დან 1 საჯარიმო ჩააგდო, 1 სამიანი კი ააცილა. 7 ქულასთან ერთად თორნიკეს 2 მოხსნა, 2 პასი და 1 ჩაჭრა ჰქონდა, ბურთი კი ერთხელ დაკარგა.
მირზა ტელეტოვიჩი ნაწყენია და ისეთ გუნდს ეძებს, სადაც მეტ სათამაშო დროს დაუთმობენ, “დენვერთან” კი ბოსნიელ მსროლელს 14 წუთი მიეცა და ამ ხნის განმავლობაში მან ოთხივე სროლა ააცილა. საუკეთესო კი ჯო ჯონსონი გახდა 22 ქულით, თუმცა რად გინდა – “ბრუკლინმა” შეხვედრა 33 ქულით დათმო. 5 მოგება-14 წაგებით “ბრუკლინი” აღმოსავლეთის 15 გუნდში მე-13 ადგილზეა. 5 დეკემბერს “ნეთსი” თავისზე სუსტ “ნიუ იორკს” უმასპინძლებს.
წყარო: www.gbf.ge
