“თვითმარქვია დევნილების რაოდენობა, რომელთა საქმეები მიცემულია კვლევაში უკვე გადასცდა 1100-ს. აქედან 500 პიროვნებაზე დევნილის ყალბი მოწმობის გაცემისთვის საქმე გადაცემულია საქართველოს მთავარ პროკურატურაში. დანარჩენ საქმეებზე მიმდინარეობს მოკვლევა და მზადდება საბუთები პროკურატურაში გადასაცემად”.
მინისტრის განცხადებით დევნილთა ხელახალი რეგისტრაცია დასრულდება მომავალი კვირის პარასკევს. დღეის მდგომარეობით 274 000 დევნილიდან რეგისტრაცია გავლილი აქვს 212 000 დევნილს.
“პროგნოზი, რომელიც კეთდებოდა რეგისტრაციის დასაწყისში მართლდება, ანუ რამდენიმე ათეულ ათასით იქნება განსხვავება სიით მონაცემებსა და რეგისტრაცია გავლილ დევნილებს შორის”.
დარახველიძე აღნიშნავს, რომ თუ თვითონ პიროვნება აღიარებს და განაცხადებს, რომ ის არ არის ოკუპირებულ ტერიტორიაზე მუდმივი მაცხოვრებელი, მის მიმართ სისხლის სამართლის დევნა არ განხორციელდება, თუმცა, სისხლის სამართლის დანაშაულის ნიშნების შემცველია ყალბი ცნობის გაცემა.
დარახველიძის თქმით, ამ ეტაპზე დევნილის დახმარებას იძულებით გადაადგილებული პირების უმეტესობა სოციალურ დახმარებას არჩევს, რადგან უფრო ბევრია, ხოლო მას შემდეგ, რაც ძალაში შევა დევნილთა დახმარების 45 ლარამდე გაზრდა, მოქალაქეები უკვე თვითონ გადაწყვეტენ რომელი დახმარება აირჩიონ.
მინისტრმა აღნიშნა, რომ პირველი საქმე პროკურატურას გადაეცა გასული წლის 26 დეკემბერს მატერიალური დანაკლისის ფასეულობების თაობაზე, რომელიც შეძენილი იყო 2008 წლის ბიუჯეტის სახსრებით დევნილთათვის, რომელიც შემდეგ აღმოჩნდა დასაწყობებული თბილისში და საქართველოს მაშტაბით 8 სხვადასხვა საწყობში.
“5 ასეთი საწყობი გავხსენით და დარიგდა იქ აღმოჩენილი ნივთები მოსახლეობაში, თუმცა, სამი მათგანი-ქუთაისში, გორსა და ბოლნისში ჯერ კიდევ დალუქულია, რადგან პროკურატურას არ მოუცია გახსნის ნებართვა. დევნილებამდე ვერ მივიდა მათთვის საჭირო დახმარება”.
მინისტრი შეეხო ბაბუშერასა და გუმისთის სამარხების გახსნის თემას და განაცხადა, რომ გადაწყვეტილება მიღებულია, ცხედრების გადმოსვენების შემდეგ კი მათი იდენტიფიცირება მოხდება.
“20-წლიანი უშედეგო ურთიერთობიდან ჩვენ უკვე ადამიანურ, ურთიერთნდობისა და პატივისცემის ურთიერთობაზე გადავედით. ქართულ–აფხაზური საერთო გადაწყვეტილებით, უკვე მოხდა ექსგუმაცია სოხუმში, დიდების პარკში არსებული სამარხისა და მიმდინარეობს იდენდიფიცირება გარდაცვლილების და არ არის გამორიცხული, რომ იქ ქართველებიც აღმოჩნდნენ. უახლოეს მომავალში დაიწყება ბაბუშერას სამარხის ექსგუმაცია”.
მინისტრის ინფორმაციით, ორმხრივი მექანიზმების პროცესს ქართული მხრიდან – დავით დარახველიძე, აფხაზური მხარიდან კი დე ფაქტო ვიცე-პრემიერი ინდირა ვარდანია ხელმძღვანელობს.
მინისტრი აცხადებს, რომ მომავალი წლის თებერვალში მიღებული იქნება ახალი კანონი დევნილთა შესახებ, რომელიც საერთაშორისო ნორმებიდან და სტანდარტებიდან გამომდინარე უფრო კარგად დაიცავს დევნილთა ინტერესებს.
