სამართალდამცველებმა ჰაბიბ ს. აზერბაიჯანიდან საქართველოს სახელმწიფო საზღვრის კვეთისას იმ დროს დააკავეს, როცა მან აზერბაიჯანში შეძენილი, სარეალიზაციოდ გამზადებული, დიდი ოდენობით ნარკოტიკული საშუალება საქართველოში შემოიტანა.
ექსპერტიზის დასკვნით, დაკავებულის ავტომანქანის ჩხრეკისას, ამოღებულია 3,211 გრ ოპიუმი.
ნარკოლოგიურმა შემოწმებამ დაადგინა, რომ ჰაბიბ ს. დაკავებისას ნარკოტიკული საშუალება მარიხუანას ზემოქმედების ქვეშ იმყოფებოდა.
გამოძიება დიდი ოდენობით ნარკოტიკული საშუალების უკანონო შეძენა-შენახვა-გადაზიდვის და დიდი ოდენობით ნარკოტიკული საშუალების საქართველოში უკანონოდ შემოტანის ფაქტებზე მიმდინარეობს (სსსკ-ის 262-ე მუხლის 1-ლი ნაწილით და 260-ე მუხლის 1-ლი ნაწილით).
