ჟურნალისტი ირმა ინაშვილი ერთ-ერთი პირველი იყო, ვინც Youtube-ზე აპოლონ ოსმანის სახელით ატვირთულ ვიდეომასალას გამოეხმაურა.
“ნაცებო”, თქვენ ხართ მკვლელები! ახლებო, აი ესაა თქვენი მთავარი ოპოზიციური ძალა, ძირს მკვლელების პარტია!”, _ წერს ინაშვილი.
აღნიშნულ ვიდეოს გამოეხმაურა მოძრაობა “ეროვნულების” ლიდერი სანდრო ბრეგაძეც.
“კიდევ რამდენჯერ აქვს ამ კაცის მსგავს არაკაცს ეს ფრაზა ნათქვამი – “ორი ტრუპი მომიტანეთ!!! “მეზიზღება ის დრო და ჩემს თავსაც ვადანაშაულებ, რომ მიუხედავად 9 წლიანი ბრძოლისა თავი არ შევაკალით ამ არა ადამიანებსდა უფრო ადრე არ დავამთავრეთ მათი არსებობა. ასე რომ მოვქცეულიყავით, ალბათ ბევრი “ორი ტრუპი” გადარჩებოდა!”
არასამთავრობო ორგანიზაციის “ჩვენ საქართველოს მოქალაქენის” წევრი არჩილ წაქაძე ვიდეომასალის გავრცელების შემდეგ აცხადებს, რომ სამართლიანობის აღდგენა ყველა საღად მოაზროვნე ქართველის მოთხოვნაა და კიდევ ერთხელ მიმართავს მთავრობას.
“ნუ გეშინიათ სამართლიანობის აღდგენისთვის ხისტი და სწრაფი მოქმედების! ჩვენ, თქვენი ამომრჩევლები ბოლომდე გვერდში დაგიდგებით. აიყვანეთ დამნაშავე რეჟიმის ყველა წევრი თავის “გამპრავებლებთან” ერთად ქონების სრული კონფისკაციით. რეჟიმისგან დაზარალებულები დააკმაყოფილეთ ამ ქონების რეალიზაციიდან შემოსული თანხით. “ნაცმოძრაობის” მიერ აშენებულ “გეტოებში” შეასახლეთ დამნაშავე რეჟიმი, ამ “გეტოებს” შემოავლეთ ეკლიანი მავთული, რომელშიც მათი დაცვის მიზნით მაღალი ძაბვა იქნება. უზრუნველყავით მათი კვება პროდუქტით, რომელიც გამიზნული იყო ლტოლვილებისთვის და საიდუმლო სარდაფებში ფუჭდებოდა! გარედან, თუ ვინმე დარჩება მათი პატრონ-მყვარებელი, მიეცით ნება ღობის იქით გადაუყარონ ბანანი, კანფეტიდა სხვა ნუგბარი. დაუნიშნეთ ბიუჯეტიდან 150 ლარის ოდენობის შემწეობა, რათა შეძლონ სხვა აუცილებელი ნივთების შეძენა ცხოვრების სიამეებითტკბობისთვის და ეს გაზრდის ქვეყანაში ტურისტების რაოდენობას!“
უფლებადამცველი ლაშა ჩხარტიშვილი კი აცხადებს, რომ დაუსჯელობის სინდრომი უნდა დასრულდეს, რომ ახალმა ხელისუფლებამაც იგივე არ გაიმეოროს.
“ახლა მაინც უნდა დაიწყოს პროკურატურამ „ნაციონალური მოძრაობის“მკვლელთა რეჟიმის ხელმძღვანელთა რეალური სამართლებრივი დევნა, ხოლო “მეოცნებე” ხელისუფლებამ უარი უნდა თქვას მათთან ამაზრზენ კოაბიტაციაზე!”.
ჩხარტიშვილი აცხადებს, რომ “მუხროვანის ამბოხის” დღიდან მოყოლებული არაერთხელ გაუკეთებიათ ღია განცხადებები კრიალაშვილის მკვლელობის რეალურ გარემოებაზე, ასევე გენერალ კობალაძის და 30-მდე სხვა უდანაშაულო სამხედრო პირის დაპატიმრების წინააღმდეგ.
ვიდეო-მასალას გამოეხმაურა “ნაციონალური მოძრაობა”, რომლის სახელით სპეციალური განცხადება გივი თარგამაძემ გააკეთა და დაადასტურა, რომ მასალა მუხროვანშია გადაღებული.
“ეს კადრები პირველად არ მინახავს, რადგან მეც იქ ვიმყოფებოდი. მინდა გითხრათ, რომ 2009 წლის მაისში საქართველოში განხორციელდა შეიარაღებულიამბოხი, რომელიც მიზნად ისახავდა სისხლიანი მოქმედების გავრცელებას მთელი საქართველოს მასშტაბით.ამ ამბოხის ორგანიზატორები იყვნენ კრიალაშვილი და ოთანაძე, რომლებსაც ანალოგიური ქმედება ჰქონდათ ჩადენილი შევარდნაძის მმართველობის პერიოდში. ამ შემთხვევაში ხელისუფლებამ შეძლო ერთი დღის მანძილზე სიტუაციის ამოწურვა ისე, რომ ადგილზე არ ყოფილა არანაირი დაზარალებული. ეს არის ბრძანება–ორიადამიანის დაკავება არის საჭირო და იგულისხმება, თუ ისინი გაწევენ წინააღმდეგობას, ძალოვანებისმხრიდან ადეკვატური მოქმედება განხორციელდეს. ეს არ იყო თვითმიზანი და ამის დადასტურება იმით ხდება, რომ ერთ-ერთი იყო ლიკვიდირებული, მეორე–მძიმედდაჭრილი, რომელსაც ჩაუტარდა სასწრაფო ოპერაცია. სამწუხაროდ ის დღეს გმირის სტატუსით სარგებლობს!”, _ განაცხადა თარგამაძემ.
ანალიტიკოსი არჩილ გამზარდია კი მიიჩნევს, რომ აღნიშნული ვიდეოს გავრცელება სხვა პრობლემების გადაფარვისთვის არის გამიზნული, წინააღმდეგ შემთხვევაში მასალა საგამოძიებო პროცესში აღმოჩნდებოდა და არა ინტერნეტში.
“ამ კადრების გავრცელება საინფორმაციო ველის მართვის მცდელობაა, სხვა შემთხვევაში ეს კადრები საგამოძიებოპროცესებში აღმოჩნდებოდა და არა სოციალურ ქსელში. არ გამოვრიცხავ კადრების გავრცელება ხელისუფლებას უკავშირდებოდეს”.
ვიდეო-მასალასთან დაკავშირებით მერაბიშვილი კომენტარს დღეს გააკეთებს, ამის შესახებ მისმა ადვოკატმა ოთარ კახიძემ განაცხადა. მან ისიც აღნიშნა, რომ თვითონ ამ კადრებთან დაკავშირებით არანაირ ინფორმაციას არ ფლობს.
აღნიშნულ კადრებთან დაკავშირებით პროკურატურამ უკვე დაიწყო გამოძიება. როდის და რა შედეგით დასრულდება გამოძიება ამას მხოლოდ დრო გვიჩვენებს, იქამდე კი საზოგადოება არაერთგვაროვანი და განსხვავებული შინაარსის კომენტარების თუ განცხადებების გაკეთებით კიდევ დიდ ხანს იქნება დაკავებული.
