ქვეყანაში მთავარი კითხვაა _ რატომ იზრდება უმუშევრობა? მისივე განცხადებით, გაუაზრებელი შრომის კოდექსი ინვესტიციების გაყინვის ერთ-ერთი მიზეზია.
“სტატისტიკის მიხედვით, პირველ კვარტალში, 42 000 ადამიანი სამუშაოს გარეშე დარჩა. დღეს მთავარი კითხვა არის, რატომ იზრდება უმუშევრობა საქართველოში. ბოლო რამდენიმე კვირის განმავლობაში მსხვილმა დამსაქმებლებმა, მაგალითად, ბანკებმა სამსახურიდან გაუშვეს ასეულობით ადამიანი. ექსპერტები, მათ შორის, საერთაშორისო ეკონომიკური ორგანიზაციები, ამბობენ, რომ გაუაზრებელი შრომის კოდექსი არის უმუშევრობის ზრდის და ინვესტიციების გაყინვის ერთ-ერთი მიზეზი. აქედან გამომდინარე, მთავრობამ უნდა გააცნობიეროს ის პასუხისმგებლობა, რომელიც გააჩნია და არ გადადგას ასეთი მცდარი ნაბიჯები, რომელიც იწვევს უმუშევრობის ზრდას. ვინ შეიძლება იყოს დასაქმებული ადამიანის მეტად დაცვის წინააღმდეგი, მაგრამ ამ ნორმებს ვერ მივუსადაგებთ უმუშევარ ადამიანებს. დღეს უმუშევარი ადამიანების რაოდენობა ათასობით იზრდება,” _ განაცხადა საპარლამენტო უმცირესობის წევრმა გიორგი კანდელაკმა.
