კა
ხეთში 55 წლის მამაკაცის გარდაცვალების შესახებ მედია-საშუალებებში გავრცელებულ ინფორმაციას ჯანდაცვის სამინისტრო ეხმაურება.
ჯანდაცვის მინისტრის მოადგილის, ზაზა სოფრომაძის განცხადებით, მამაკაცის გარდაცვალება არანაირად არ იყო დაკავშირებული ახალ რეგულაციებთან. როგორც ზაზა სოფრომაძე აღნიშნავს, მას შესაბამისი რეცეპტები გამოწერილი ჰქონდა.
"საინფორმაციო სააგენტოებმა და ადგილობრივმა ტელემედიამ ყვარელში მამაკაცის გარდაცვალების მიზეზად აფთიაქში მედიკამენტ ლაზიქსის გაუცემლობა დაასახელეს. ჯანდაცვის სამინისტრომ შეისწავლა აღნიშნული შემთხვევა და გარდაცვლილის ოჯახის წევრები არ ადასტურებენ პაციენტის მხრიდან აფთიაქებისადმი მიმართვის ფაქტს. როგორც ირკვევა, გარდაცვლილს გადატანილი ჰქონდა ინფარქტი, ინსულტი, აწუხებდა მესამე ხარისხის ჰიპერტენზია და ფილტვის უკმარისობა. პაციენტი 12 სექტემბერს იმყოფებოდა შპს "უნიმედი კახეთი- ყვარლის სამედიცინო ცენტრში" და ექიმმა ირმა მირზიკაშვილმა მას გამოუწერა შემდეგი მედიკამენტები: დიგოქსინი, პანანგინი, ასპარკამი და ფუროსემიდი (ჯენერიკული დასახელებით) -იგივე ლაზიქსი (სავაჭრო დასახელებით). რეცეპტის არქონის შემთხვევაშიც, აფთიაქი ვალდებული იყო პაციენტისთვის გადაუდებელი დახმარების ჩანთიდან მიეწოდებინა პრეპარატი ლაზიქსი." _ აცხადებს ზაზა სოფრომაძე.
