სააკაშვილი: “უკრაინას შეუძლია რუსეთი დაიპყროს!”

Ukraina.ru-ს ცნობით, საქართველო ექსპრეზიდენტი მიხეილ სააკაშვილი ირწმუნება, რომ "უკრაინის არმიას შეუძლია მთელი რუსეთი დაიპყროს".

გამოცემა სააკაშვილის უკრაინის პრეზიდენტის პეტრო პოროშენკოს მრჩევლად მოიხსენიებს და ამბობს, რომ საქართველოს ექსპრეზიდენტმა ეს განცხადება უკრაინის ტელევიზიით გააკეთა:

"თუ კი უკრაინის არმიას მივცემთ შესაბამის ცოდნას და იარაღს, მას შეუძლია, მთელი რუსეთი დაიპყროს", _ თქვა მან.

სააკაშვილის აზრით, უკრაინის სამხედრო ძალებს რუსეთის დაპყრობაში ხელს უშლის მოძველებული ტანკსაწინააღმდეგო იარაღი: "თუმცა, ასეთი ახალი ტიპის იარაღი აქვს აშშ-ს და თუ ისინი ამ იარაღს უკრაინას გადასცემენ და უკრაინელები გაანადგურებენ რუსეთის პირველ 50 ტანკს, ყველაფერი სხვანაირად იქნება".

სააკაშვილი ამტკიცებს, რომ აშშ მზადაა, უკრაინას გადასცეს უპილოტო თვითმფრინავები და არტილერია.