სულეიმან დიასამიძე – ნიაზ დიასამიძის მამა – დაიბადა ბათუმში. 1921 წელს დაამთავრა თბილისის სახელმწიფო უნივერსიტეტი. 1932 წელს კი საქართველოს ინდუსტრიის ინსტიტუტი. ახალგაზრდობაში რევოლუციურ მოძრაობაში ჩაება.
დაინტერესებული იყო მუჰაჯირების ბედით და ამ მიზნით ტრაპიზონი, სამსუნი, სტამბოლი და სხვა ადგილები მოინახულა. 1918 წელს, როცა ოსმალოს ჯარმა ბათუმი დაიკავა, სულეიმან დიასამიძე სხვა აჭარელ პატრიოტებთან ერთად თბილისში ჩამოვიდა და "სამუსლიმანო საქართველოს განმათავისუფლებელი კომიტეტის" მდივანი გახდა.
1921 წელს არჩეული იყო "ღარიბთა კომიტეტის" ცენტრალური ბიუროს შემადგენლობაში. სულეიმანი ებრძოდა პანისლამიზმის მიმდევრებს. 1921 წელს აჭარის ფინანსთა სახალხო კომისრად მუშაობდა. 1922-23 წლებში აჭარის სახკომსაბჭოს თავმჯდომარე გახლდათ. 1929 წლიდან კი მშრომელთა დეპუტატების ბათუმის საქალაქო საბჭოს აღმასკომის თავმჯდომარე იყო. შემდეგ თბილისში პედაგოგიურ მოღვაწეობას ეწეოდა.
ეროვნული ბიბლიოთეკის და "ჯეოსელის" ერთობლივი პროექტი _ "ციფრული ფოტომატიანე"
