მიუხედავად უამრავი თანამედროვე პარფიუმერული საშუალებებისა, არა ერთი ადამიანი უჩივის თმის ქერტლიანობას. ზოგი ამას პირდაპირ აბრალებს სხვადასხვა სახის თმის შამპუნს.
გთავაზობთ ხალხური მეთოდით დამზადებულ ნაცად საშუალებებს, რომლებიც არაერთხელ გამომიყენებია:
50 გრამ გვირილას გამხმარ ყვავილს დაასხით 150 გრამი მდუღარე წყალი. დადგით და რომ გაგრილდება, გაწურეთ. დაუმატეთ ერთი სუფრის კოვზი თაფლი. ათქვიფეთ კარგად და დაბანილ თმაზე წაისვით. შეიკარით ნახევარი საათით და შემდეგ ყოველგვარი საპნისა და შამპუნის გარეშე ჩამოიბანეთ. ასე გაიმეორეთ კვირაში ერთხელ, ერთი თვის მანძილზე.
კარგია ლიმონის კანის ნახარში. ხუთი ცალი ლიმონის კანი წამოვადუღოთ ერთნახევარ ლიტრ წყალში. შემდეგ ეს სითხე შევიზილოთ თმის ძირებში, ყოველი დაბანისას, ერთი თვის მანძილზე. მერწმუნეთ, ქერტლი გაქრება და თმის ძირებიც გამაგრდება.
საუკეთესოა ხმელი დაფნის ფოთლის ნახარში. ათიოდე დაფნის ფოთოლს დაასხით მდუღარე და წამოადუღეთ ხუთი წუთით. დაბანის შემდეგ გადაივლეთ. ასე გააგრძელეთ ერთი თვის მანძილზე.
