საჭირო მასალა: 10 ცალი კვერცხი, 1,5 ჭიქა შაქარი, 300 გრამი კარაქი, 1 ჩაის კოვზი სოდა და იმავე რაოდენობით თეთრი ძმარი, 5 ჭიქა პურის ფქვილი, ვანილი, ერთი ჭიქა გათეთრებული და გატარებული თხილი.
ბეზე: 10 კვერცხის ცილა და ჭიქანახევარი შაქარი.
კრემისთვის ერთი ცალი შედედებული რძე, 300 გრამი კარაქი.
ნახევარი კილო მარწყვი.
მომზადების წესი: კვერცხის გულითა და შაქრით ამოვიყვანოთ გოგლიმოგლი (მიაქციეთ ყურადღება _ კვერცხი უნდა იყოს ახალი, თორემ ბეზეს საჭირო კონდიციამდე ვერ ამოიყვანთ). შემდეგ დავუმატოთ კარგად დარბილებული და ათქვეფილი კარაქი, სოდა ძმრით და ავურიოთ მიქსერით. ამის შემდეგ ნელ-ნელა ჩავყაროთ პურის ფქვილი და კოვზით ავურიოთ. მიღებული მასა გავყოთ სამად, გავანაწილოთ სამ ცხიმწასმულ პერგამენტზე, სამივეზე თანაბარი რაოდენობით მოვაყაროთ თხილი და შემდეგ კარგად ამოყვანილი ბეზეც ასევე სამივე ფენაზე გავანაწილოთ. სათითაოდ გამოვაცხოთ აირღუმელში, საშუალო ტემპერატურაზე.
კრემისთვის ცალ-ცალკე კარგად ავთქვიფოთ შედედებული რძე, კარაქი და ერთმანეთში ავურიოთ. დავუმატოთ ვანილი. ეს კრემი სამივე ფირფიტაზე გადავანაწილოთ და თან წვრილად დაჭრილი მარწყვი მოვაწყოთ ორ ქვედა ფირფიტას. მესამე, ზედა ფირფიტაზე სიმეტრიულად დავალაგოთ სასურველ ფორმებად დაჭრილი მარწყვი (გნებავთ, მთელ-მთელად). ბოლოს ბლომად მოვაფრქვიოთ შაქრის პუდრა და ორი საათით შევდგათ მაცივარში.
