გურიის გუბერნატორმა გია სალუქვაძემ გურიის სამხარეო ადმინისტრაციასთან არსებული სათათბირო ორგანო – საზოგადოებრივი საბჭოს წევრებთან ერთ საათზე მეტი ისაუბრა და მათ სამომავლო გეგმები გააცნო.
"ოზურგეთში დაახლოებით 100 შენობა ვნახეთ და დავასურათეთ, ახლა მათ მფლობელებს ვეძებთ, რომლებსაც კაპიკებში აქვთ ნაყიდი შენობები. დაშალეს ეს შენობები და ათჯერ მეტი თანხა მიიღეს. მიტოვებულია ეს ტერიტორიები, რომელიც ქვეწარმავლების ბუდედ არის გადაქცეული. ასეთ ფაქტებს ჩვენ ვეღარ დავუშვებთ.
არის უამრავი პრობლემა, რომელიც დროულად უნდა მოგვარდეს. დაწყებულია და თითქმის ბოლომდე არის მისული მიწების ინვეტარიზაცია და გვექნება მთლიანი რუქა, გზამკვლევი სადაც დაფიქსირებული გვექნება, რა ტერიტორიები არის დარჩენილი ეკონომიკის სამინისტროს ბალანსზე. ერთხელ და სამუდამო ხომ უნდა ვიცოდეთ, სად შეიძლება გაკეთდეს საცდელი მეურნეობა და სად შევთავაზოთ კარგი გარემო ინვესტორს."_ თქვა შეხვედრაზე გია სალუქვაძემ.
მან ისაუბრა პრემიერ-მინისტრთან ირაკლი ღარიბაშვილთან შეხვედრაზე.
"რამდენიმე საწარმო არის გურიაში, რომელიც გარკვეული პერიოდის განმავლოაბაში, 6-7 წელიწადია გაჩერებულია ქონების გადასახადის გადაუხდელობის გამო. ამ მიზეზით ეს შენობები დაყადაღებულია. მე შევთავაზე პრემიერს და ის წამოვიდა ამ შეთავაზებაზე, რომ ამ საწარმოებს გადაუვადდეს გადასახადები, მოეხსნას ყადაღა და სახელმწიფო თავისი პროგრამიდან დააფინანსებს შმოთავაზებულ ბიზნეს გეგმას.
ერთ-ერთი ასეთი საწარმოა "ლიმონი", რომელიც არის ლანჩხუთის მუნიციპალიტეტში. ამ საწარმოს 2007 წლიდან აქვს დაგროვილი მიწის ქონების გადასახადი და ვერ მუშაობს. გურიის გუბერნია მუშაობს ამ საწარმოებზე ზუსტი ინფორმაციების მოსაპოვებლად და აუცილებლად მოგაწვდით ინფორმაციას უახლოეს დღეებში." განაცხადა გია სალუქვაძემ.
გურიის გუბერნატორმა, ასევე ისაუბრა ქალაქ ოზურგეთის, ალექსანდრე წუწუნავას სახელობის თეატრის სარეაბილატიციო სამუშაოებთან დაკავშირებით. მისივე თქმით, ამ სამუშაოებისთვის 15 მილიონი ლარი არის საჭირო. საკითხთან დაკავშირებით უახლოეს დღეებში ჩამოვლნენ სპეციალისტები და გაკეთდება ზუსტი მონახაზი.
