ხვალ, 14 ოქტომბერს, საქართველოში, მცხეთობა-სვეტიცხოვლობა და კვართის დღესასწაული აღინიშნება. ასევე, მეფე მირიანისა და დედოფალი ნანას, წმინდა სიდონიასა და აბიათარის ხსენების დღეცაა.
საქართველოს დამოუკიდებლობის აღდგენის შემდეგ, 1991 წელს, მცხეთობის დღესასწაულის აღნიშვნა დაიწყო და ეს თარიღი ოფიციალურად უქმე დღედ გამოცხადდა.
ხვალ, მცხეთობის დღესასწაულთან დაკავშირებით, სრულიად საქართველოს კათალიკოს- პატრიარქი სვეტიცხოვლის საკათედრო ტაძარში სადღესასწაულო წირვა-ლოცვას აღავლენს, რომელიც დილის 10:00 საათზე დაიწყება.
როგორც ცნობილია, მცხეთის მერია მცხეთელებს და ქალაქში ჩასულ სტუმრებს საზეიმო განწყობას დილიდანვე შეუქმნის. საზეიმო ღონისძიებები დილის 10:00 საათიდან დაიწყება და გვიანობამდე გასტანს.
მცხეთობაზე მისულ სტუმრებს შეეძლებათ სხვადასხვა კულტურულ და სპორტულ-სანახაობითი ღონისძიებების ნახვა. ასევე, მოეწყობა საბავშვო ატრაქციონები. გარდა ამისა, მცხეთაში საღამოს 20:00 საათზე დაგეგმილია გალა-კონცერტი ნინო სუბლატის, ბენდი "THE Mins" და "The Light Room"-ის მონაწილეობით.
როგორც "გურია ნიუსს" თბილისის მერიაში განუცხადეს, მცხეთობა-სვეტიცხოვლობის დღესასწაულთან დაკავშირებით თბილისი-მცხეთის მიმართულებით უფასო საქალაქო ტრანსპორტი მოქალაქეებს არც გასულ წლებში ემსახურებოდათ და, შესაბამისად, არც წელს დაინიშნება.
"გურია ნიუსი" აქვე გთავაზობთ სვეტიცხოვლობა-მცხეთობისთვის დაგეგმილ ღონისძიებათა პროგრამას:
10:00 – 14:00 საზეიმო წირვა-ლოცვა სვეტიცხოვლის საკათედრო ტაძარში.
ქ.მცხეთის ცენტრალური მოედანი- დ. აღმაშენებლის ქუჩა
1.10:00-18:00 ხალხური რეწვის და სახვითი ხელოვნების ნამუშევრების გამოფენა- გაყიდვა
11:30 "სვეტიცხოვლობა-მცხეთობა 2015"-ს საზეიმო გახსნა
2. 10:00-18:00 საბავშვო გასართობი, სხვადასხვა სახის ატრაქციონები
3. 10:00-18:00 საშემოდგომო, სადღესასწაულო გამოფენა-გაყიდვა
სპორტულ-სანახაობითი ღონისძიებები :
4. 12:00-16:00 ქართული ჭიდაობა, სპორტული ნარდი; მინი-ფეხბურთი, მკლავჭიდი, მაგიდის ჩოგბურთი, კარატე, ქუჩის კალათბურთი (სპორტული შოუ)და სხვა. (გამარჯვებულთა დაჯილდოება პრიზებით, დიპლომებით, სიგელებით).
კულტურული ღონისძიებები
12:00-16:00 ადგილობრივი, ქ. თბილისის და საქართველოს რეგიონებიდან მოწვეული ანსამბლები
16:00-20:00 გალა-კონცერტი
18:00-20:00 ნინა სუბლატი, ბენდი "THE Mins" და "The Light Room".
20:00 საზეიმო "ფოიერვერკი"
