21 ოქტომბერს, დაპირისპირება მოხდა ვანის სტადიონზე, სადაც ერთმანეთს მეორე ლიგაში მოასპარეზე ჩოხატაურის "ბახმარო" და ვანის "სულორი" შეხვდა. თვითმხილველების თქმით , ჩხუბი მას შემდეგ დაიწყო, რაც თამაში ფრედ 1:1 დასრულდა.
არსებული ინფორმაციით "სულორის" გულშემატკივრები, რომლებიც მატჩის შედეგით უკმაყოფილებას გინებით გამოხატავნდნენ, სტადიონზე შეიჭრნენ და მსაჯს ფიზიკურად გაუსწორდნენ.
სფფ-ს პრეზიდენტი, ლევან კობიაშვილი 22 ოქტომბერს, იმერეთის რეგიონალურ ფედერაციაში გამართულ შეხვედრას დაესწრო. შეხვედრაზე განიხილებოდა 21 ოქტომბერს, ვანის სტადიონზე მომხდარი ინციდენტი, სადაც ერთმანეთს მეორე ლიგაში მოასპარეზე ჩოხატაურის "ბახმარო" ვანის "სულორს" შეხვდა. თამაშის ფრედ დასრულების შემდეგ, „სულორის“ გულშემატკივრები შეიჭრნენ სტადიონზე და მსაჯს სიტყვიერი და ფიზიკური შეურაცხყოფა მიაყენეს. ასევე მოხდა კლუბის წარმომადგენლების შეჭრა მსაჯის ოთახში და გასახდელში.
ინციდენტს რეაგირება მოყვა სფფ-ს პრეზიდენტის მხრიდანაც. ლევან კობიაშვილი საგანგებოდ ჩავიდა ქუთაისში და სხდომას დაესწრო.
იმერეთის რეგიონალურ ფედერაციაში გამართულ შეხვედრაზე მოხდა ამ ინციდენტის განხილვა, სადაც მოსმენილი იქნა სხვადასხვა მხარეები: მსაჯი, დამკვირვებელი, დელეგატი და მხარეების წარმომადგენლები. სფფ-ს პრეზიდენტმა, ლევან კობიაშვილმა შეხვედრაზე დააფიქსირა, რომ უმკაცრესად დაისჯება ამ ინციდნეტში მონაწილე ყველა ადამიანი.
„ჩემთვის პრინციპულად მნიშვნელოვანი იყო დავსწრებოდი ამ ინციდენტის განხილვას, რადგან მსგავსი შემთხვევები ხელს უშლის და აზიანებს ქართულ ფეხბურთს და უნდა იყოს აღმოფხვრილი. სამწუხაროდ, გულშემატკივრების მხრიდან ადგილი ჰქონდა დაუშვებელ ქმედებებს. ამიტომ მე მოვუწოდებ იმერეთის რეგიონალურ ფედერაციას და სამართალდამცავებს, რომ რაც შეიძლება სწრაფად იქნას გამოძიებული ფაქტები და მიღებული იქნას მაქსიმალური ზომები. სამაგალითოდ დაისჯება ყველა ის ადამიანი, ვინც მსგავსი ქმედებით აზიანებს ქართულ ფეხბურთს. ეს არის დაუშვებელი“, – აცხადებს ლევან კობიაშვილი.
