რუსთავი 2-ის ირგვლივ განვითარებულ მოვლენებს პოლიტიკოსები, უფლებადამცველები და ზოგადად საზოგადოებისთვის ნაცნობი სახეები სოციალურ ქსელში აქტიურად ეხმაურებიან. ამ თემებს განსხვავებული რაკურსით განიხილავენ მთავრობის მომხრეები და მოწინააღმდეგეები. რაც განსაკუთრებით თვალშისაცემია, არაერთი მათგანი ცდილობს აგრესიულად, უხეში ფორმებით და ზოგჯერ შეურაცმყოფელადაც გამოხატოს საკუთარი დამოკიდებულება მოვლენის მიმართ. ხშირ შემთხვევაში არ ერიდებიან ბილწსიტყვაობასაც. თვალი გადავავლეთ სოციალურ ქსელებში გამოქვეყნებულ დღევანდელ სტატუსებს, რომლებზეც დაყრდნობით, შეიძლება დასკვნის გამოტანა, ხშირად საზოგადოებისთვის ცნობილი სახეებიც არ ამბობენ უარს, სიძულვილის ენის დემონსტრირებაზე. მეტი აგრესიულობით სუსტი სქესის წარმომადგენლები გამოირჩევიან.
თამარ ჩერგოლეიშვილი, ჟურნალისტი: ივანიშვილი რომ დაჯდა და მიხვდა, რომ რუსთავი ორის მარტამდე დათმობაც კი მისთვის დამღუპველია და ყველაფერს ჩამოვიდა ძალაუფლებაზე მოსაბღაუჭებლად – კიდევ მესმის. მისი გადმოსახედიდან როგორც ჩანს, დასაკარგი არაფერი აქვს – ისედაც ყველაფერს კარგავს და ფართხალებს.
მაგრამ აი დვალს და აქიმიძეს რატომ გონიათ, რომ რუსთავი ორის რომელიმე ღირებული ჟურნალისტი ეროსი კიწმარიშვილის მკვლელის თანამზრახველებს შეეკვრება – გაუგებარია.
ჩიორა თაქთაქიშვილი, პოლიტიკოსი: იქნებ გამახსენოთ, 
როდის ახსოვდა კონსტიტუცია ამ კომიკურ პერსონაჟს და დიქტატორის პროვოკაციას? მაშინ, როდესაც საქართველოს პრეზიდენტი პარლამენტში არ შეუშვა ყოველწლიური მოხსენების გასაკეთებლად? ან იქნებ მაშინ, როდესაც პარლამენტი კონსტიტუციის ფეხქვეშ გათელვით გადმოიტანა თბილისში? თუ მაშინ, როდესაც არაფორმალურ მმართველად წამოაჯდა თავს პარლამენტს, პრეზიდენტს, მთავრობასა და სასამართლოს?
კარგი იქნებოდა სამოქალაქო სექტორს მაშინვე შემოერტყა განგაშის ზარები. დღეს აქ არ ვიქნებოდით!
მაგრამ, რა თქმა უნდა, ჯობს გვიან, ვიდრე არასდროს. და რა თქმა უნდა, უშეცდომო არავინ არის.
ოთარ კახიძე, უფლებადამცველი: ბატონმაბიძინამ ურთმელიძის ხელით გამოიტანა განჩინება, რომლის თანახმადაც, რუსთავი ორის წარმომადგენელი, გვარამიას ნაცვლად, არის საყევარიშვილი.
ეს განჩინება საჩივრდება, ოღონდ გამსაჩივრებელი შეიძლება იყოს მხოლოდ საყევარიშვილი.მადლობა ბატონბიძინას, რომ ბერა ან ურთმელიძის დედა არ დანიშნა პირდაპირ რუსთავი ორის მმართველად.
პ.ს. წერეთ და იკითხეთ ბატონობიძინა ასეთი განჩინებები.
ირმა ნადირაშვილი, პოლიტიკოსი: ურთმელიძე რომ ვიყოო წულუკიანმა..
ურთმელიძეზე ასჯერ მავნებელი, ბოღმა და არარაობა ხართ, ქალბატონო თეა.
წინააღმდეგ შემთხვევაში ასეთ განცხადებებს ჩვენი ქვეყნის მეგობრების მისამართით ნამდვილად არ გაააკეთებდით!
ნიკა გვარამია: ჩემს მეგობრებს მინდა ვკითხო: ამ დვალთან მეგობრობას როგორ ახერხებთ, რა თემაზე საუბრობთ ხოლმე, რა გაკავშირებთ? სრული შოკი მაქვს. ჩვეულებრივი გაუნათლებელი ყასაბი.
სვინდისი.
ნანუკა ჟორჟოლიანი, ჟურნალისტი: ქურდულად, ღამით გადაწყვეტილების მიღება მის სტილში ზის. კონსტიტუციის თავზე გადახევა რა არის გვანახა. ტელევიზიის ამ გზით დაბრუნებულმა ადამიანებმა, უკანონობაზე ხმა აღარ ამოიღონ.
დიქტატურა ოფიციალურად გააფორმა!
მაგრამ ახლა მთავარია ხალხი. დაიცავით რუსთავი 2! გიყვართ თუ არა! ამას მნიშვნელობა არ ააქვს! დამიჯერეთ ნამდვილი ჯოჯოხეთი წინ არის, თუ ბიძინამ ეს შესძლო
ნინო დანელია, მედიაექსპერტი: დილის 6 საათია. მოვედი სახლში რ2-დან. მშვიდად მძინარე ბავშვებს ვაკოცე და დავპირდი, რომ დავამარცხებ ბოროტ ურჩხულს, რომელიც ჩემი ქვეყნის დაპატრონებას ცდილობს. არასოდეს მომიტყუებია ისინი. ჩვენ მოვიგებთ ომს!
ნინო ჯღარკავა, ჟურნალისტი:
რამდენი ცინიზმი ქონია მსახიობ ბაია დვალიშვილს,საიდან,საიდან?ისეთი რიტორიკით ყვებოდა,არ დაიხურება რუსთავი,ყოველ ღამე ძილისპირულივით მოისმენთ,როგორ "მშვენდება" როგორ,"ყვავის,"ქვეყანა,ყველა მაძღარია,ყველა ლამაზია და ასე მიგვიყვანენ არჩევნებამდეო! რა უტიფრები ხართ მართლა დედითქვენის ნაჭამით გამძღარი რუსთავი2 -ლები! 9 წელი სწორედ ასეთ,"აყვავებულ"ქვეყანას გვაჩვენებდით, გარეთ კი კლავდით, ძარცვავდით, სახლებს, ქონებას აყიდინებდით ადამიანებს, ლტოლვილებს პანჩურებით ყრიდით, მშიერი მათხოვრები ქუჩებში იყინებოდა, თავშესაფარშიც არ მიგყავდათ, ეკრანიდან კი ბუშტებით და შადრევენებით იწონებდით თავს, ეს რა უსირცხვილოები ხართ ღმერთოო, მართლა საიდან ამდენი ირონია და ცინიზმი?ფუიიიი შემირცხვენია თქვენი უნიჭო გადაცემები.
"ობიექტურებოო" და "მართალი" სიტყვის დამცველებოო, მარტო ჩემზე შეთითხნილი სიყალბეა თქვენი სახე, პროკურატურის დასკვნას,კვესიტაძის გადაცემას თან დავურთავ და ამერიკის საელჩოს ჩავაბარებ, რა იყოო მარტო თქვენ გგონიათ შერბიხართ იქ?მ თელ მსოფლიოს გავაგებინებ როგორი ობიექტურები ხართ და რა გადაცემებს ამზადებთ, მერე მაინტერსებს როგორ გაბედავთ ხმის ამოღებას!"
