"ქალაქ ოზურგეთის მერს ბატონ ბეგლარ სიორიძეს!
ქალაქ ოზურგეთის ჭავჭავაძის ქ. # 12 -შ მცხოვრები მობინადრეთა კოლექტიური განცხადება:
ბატონო ბეგლარ, მოგახსენებთ, რომ რამდენიმე წელია ოზურგეთის მუნიციპალიტეტის გამგეობაში შემოტანილია განცახდება ბინის დახურვასთან დაკავშირებით, მაგრამ ამაოდ!
ჩვენი ბინა აშენდა 41 წის წინ. ბინა იმყფება ავარიულ მდგომარეობაში: სახურავიდან ჩამოდის წყალი, დაბზარულია კედლები და წყალი შემოდის. ამას თან ემატება ისიც, რომ სახლის ქვემოთ გაედინება მდინარე და საძირკველი სასწრაფოდ გასამაგრებელია. პირველ სართულზე განთავსებულია საოფისე ფართები, რომლის მეპატრონეებმა თვითნებურად გამოიღეს საყრდენი კედლები. ბინის ფასადი კი არ შეეფერება ქალაქის ინფრასტრუქტურას!
ქალაქ ოზურგეთში თითქმის ყევლა ბინა გადაიხურა ჩვენი ბინის გარდა, ჩვენი გულის ტკივილი არ გაითვალისიწინა ადგილობრივი ხელისუფლების არცერთმა წარმომადგენელმა. ამიტომ გვაქვს თქვენი დიდი თანადგომის იმედი და გთხოვთ ნუ დაგვტოვებთ უყურადღებოდ!"
აღნიშნული კოლექტიური განცახდება, რომელსაც ხელს 28 ოჯახი აწერს, ქალაქ ოზურგეთის მერიაში 2015 წლის 24 აპრილს არის შეტანილი. მრავალბინიანი კორპუსის მცხოვრებლები ქალაქ ოზურგეთის მერიას უყურადღებობაში ადანაშაულებენ:
გონერი დალალიშვილი: "42 წლის განმავლობაში არცერთ ხელისუფლებას არც საძირკველი უნახავს ამ ბინის და არც სახურავი, ამის გარდა თუ ნახოთ თქვენ სხვაგან ასეთი ავარიული ბინა, ჩვენ გავჩერდებით, გვანახონ მსგავსი ბინა ასეთ მდგომარეობაში და ენას არ ამოვიღებთ. სხვაგან მეორეჯერ გადახურეს უკვე, მიზეზი არ ვიცით. რამდენი წელია განცხადებას ვწერთ, ახალი განცხადებით ქალაქ ოზურგეთის მერიასაც მივმართეთ. ამბობენ ბიუჯეტში ფული არ არისო, ჩვენთვის არ არის? ჩვენ განა ვერ ვხვდებით იმას, რომ რასაც აკეთებენ კარგია? მაგრამ რად გინდა ქალაქის ინფრასტრუქტურა, თუ მოსახლეობა გეყოლება განაწყენებული და მათ სახლში ჩამოვა წყალი? "
თამარ დარჩია: " ეს კორპუსი თუ არ დაიხურა დაიშლება, ამ ზამთარს ვერ გაუძლებს. ამბავი მაინც რომ იკითხო, არ შეიძლება? არავის ამბავი არ უკითხავს. პასუხი გაგვცენ, რა დავაშავეთ ასეთი ამ ბინის მცხოვრებლებმა? ეს მაინც გვითხრან, დაინგრევა ეს ბინა, გამოშლილია საძირკველი, გარედან აწვიმს, თავზე წყალი ჩამოდის, ფუნდამენტი გასამაგრებელი. მოვიდეს ვინმე და ნახოს ჩვენი მდგომარეობა, ამდენი ადამიანის სიცოცხლესთან გვაქვს საქმე, მერე გვიანი იქნება. 40 ოჯახი ცხოვრობს აქ. ასეთი ინფორმაცია მოგვივიდა, რომ სტიქიური უბედურებების გამო ბიუჯეტში თანხა არ გვაქვსო."
ლელა ბიწაძე: "ჩვენი საცხოვრებელი პირობები ხელისუფლებას არ აწუხებს. ნახეთ რა მდგომარეობაა ჩემთან სახლში? 21 საუკუნეში შეიძლება ვინმეს სახურავიდან წყალი ჩასდიოდეს? გამიფუჭდა ყველაფერი, არასრულწლოვანი ბავშვები მყავს, ტელევიზორიც რამდენჯერ გამოვცალე, ყოველ გაწვიმებაზე ტაშტებით დავრბივართ, იატაკიც ავყარე, ჭერი საშინელ მდგომარეობაშია, ადამიანები არ არიან? მოვიდნენ და ადამიანებად ჩაგთვალონ მაინც! "
მაკა ბილიხოძე: "ჩვენს ბინაში ძირითადად პენსიონერები ცხოვრობენ, არ გვაქვს იმის საშუალება, რომ ჩვენი სახსრებით გავაკეთოთ, ახლა უკვე გასაქანიც არაა, ზოგმა გააკეთა მეზობლების თანადგომით, ჩვენ არ ვართ ადამიანები? ვითომ სტიქიააო, დარბიან ზევით ქვევით, რომ მერე "ფული გაათეთრონ", აბა ვიღაცას ერთ თუნუქს თუ გადაუძრობს ქარი, შეძრავენ ყველაფერს და ამდენი ადამიანის თხოვნა სულ არ აინტერესებთ?"
როდის გაითვალისწინებს ოზურგეთის მერია ჭავჭავაძის # 12 მდებარე მრავალბინიანი კორპუსის მცხოვრებლების თხოვნას, მერიაში აღნიშნულთან დაკავშირებით ასეთი პოზიცია აქვთ:
"ქალაქ ოზურგეთის მუნიციპალიტეტის მერიაში ჭავაჭავაძის ქ.N12-ში მცხოვრები მობინადრეების ერთობლივი წერილი მიმდინარე წლის 24 აპრილს შემოვიდა. მობინადრეები, ქალაქის მერიის მხრიდან ხსენებული კორპუსის გადახურვას ითხოვენ. ქალაქის მერიამ წელს 23 საცხოვრებელი კორპუსი გადახურა და ამ მიმართულებით მუშაობას მოამვალ წელსაც გააგრძელებს. რაც შეეხება ჭავჭავაძის ქ. N12 არსებულ კორპუსის მობინადრეების მოთხოვნას 2016 წლის ბიუჯეტში უკვე გათვალისწინებულია და აღნიშნული კორპუსის სახურავი მომავალ წელს გადაიხურება."
