საგარეო საქმეთა მინისტრის პირველის მოადგილის, დავით ზალკალიანის საკუთრებაში ბინა, აგარაკი და ორი მიწის ნაკვეთია. ამის შესახებ ზალკალიანის ქონებრივ დეკლარაციაშია აღნიშნული, რომელიც მან 2016 წლის 18 თებერვალს შეავსო.
დეკლარაციის მიხედვით, თბილისში, წყნეთის ქუჩაზე მდებარე 130.00 კვ.მ ფართობის ბინის 100%-იანი მფლობელი დავით ზალკალიანია. მის საკუთრებაშია ასევე, მცხეთის რაიონში, მუხათწყაროში მდებარე180.00 კვ.მ-ის ფართობის აგარაკი და ამავე მისამართზე არსებული1200.00 კვ.მ-ის ფართობის მიწის ნაკვეთი. გარდა ამისა, ზალკალიანი ფლობს მიწის ნაკვეთს გარდაბნის რაიონში, ლილოში, რომლის ფართობიც 1500.00 კვ.მ-ია.
მისი მეუღლის, თამარ ქემოკლიძის 100%-იან საკუთრებაშია მსუბუქი ავტომანქანა მერსედესი C 230, რომელიც 2006 წელს არის გამოშვებული.
რაც შეეხება ოჯახის ფინანსურ მდგომარეობას, ერთი წლის განმავლობაში მათი საერთო შემოსავალი 40 521 ლარი იყო.
კერძოდ, ლევან მიქელაძის სახელობის ფონდის აღმასრულებელი დირექტორის თანამდებობიდან დავით ზალკალიანს 37121.00 ლარი აქვს მიღებული; მის მეუღლეს, თამარ ქემოკლიძეს იაკობ გოგებაშვილის სახელობის საწავლებელის მასწავლებელის პოზიციიდან 1800.00 ლარი; ხოლო შვილს, ნინო ზალკალიანს, ჯანდაცვის სამინისტროს შრომისა და დასაქმების დეპარტამენტის შრომითი ურთიერთობების და სოციალური პარტნიორობის სამმართველოს სპეციალისტი თანამდებობიდან 1600.00 ლარი.
დეკლარაციის შევსების მომენტში დავით ზალკალიანს "თი–ბი–სი" ბანკის სახელფასო ანგარიშზე 22832.00 ლარი ჰქონდა; თამარ ქემოკლიძეს ამავე ბანკის სახელფასო ანგარიშზე 68.91 ლარი, ხოლო ნინო ზალკალიანის ანგარიშზე 11 ლარი იყო.
