სურსათის ეროვნული სააგენტოს ყოფილი უფროსის ოჯახის საკუთრებაში ორი ბინა და ავტომობილია. ამის შესახებ ზაზა დოლიძის ქონებრივ დეკლარაციაშია აღნიშნული.
კერძოდ, ზაზა დოლიძის მეუღლე, ქეთევან თაგვაძეა 100%-იანი მფლობელი ბინა თბილისში, მგალობლიშვილის ქუჩაზე მდებარე 118.00 კვ.-ია და ნუცუბიძის მე-2 მიკრორაიონში მდებარე 40.00 კვ.მ-ის ფართის ბინების მფლობელი. მის საკუთრებაშია ასევე, მსუბუქი ავტომანქანა Toyota RAV4 (2005).
რაც შეეხება ოჯახიოს ფინანსურ მდგომარეობას, როგორც 2015 წლის 21 აგვისტოს შევსებული დეკლარაციიდან ირკვევა, ერთი წლის განმავლობაში მას 53 857 ლარის შემოსავალი მიუღია.
კერძოდ, შპს საფეხბურთო კლუბი მეტალურგი რუსთავის დირექტორის პოსტიდან 16875.00 ლარი; შპს ქართული ფოლადის სამკურნალო ცენტრის დირექტორის თანამდებობისთვის 16875.00 ლარი; სსიპ სოციალური მომსახურების სააგენტოს მრჩევლის პოსტისთვის 1408.70 ლარი; სსიპ სოციალური მომსახურების სააგენტოს დირექტორის მოადგილის პოსტისთვის 10292.73 ლარი; ხოლო სსიპ სურსათის ეროვნული სააგენტო უფროსის თანამდებობისთვის – 8407.50 ლარი აქვს მიღებული.
რაც სეეხება მის მეუღლეს, რომელიც დეკლარაციის შევსების მომენტისთვის თი-ბი-სი ბანკის რეგიონალური დირექტორის მოადგილის თანამდებობას იკავებდა, ერთი წლის განმავლობაში შემოსავლის სახით 45450.00 ლარი აქვს მიღებული.
გარდა ამისა, დეკლარაციაში აღნიშნულია, რომ ქეთევან თაგვაძემ 2014 წელს ბინის გაყიდვიდან 60000.00 ლარის შემოსავალი მიიღო, ხოლო ამავე წელს მიწის ნაკვეთის გასხვისებიდან 4000.00 ლარი აქვს მიღებული.
რაც შეეხება ოჯახის გასავლებს, დეკლარაციაში აღნიშნულია, რომ ზაზა დოლიძის შვილის, ალექსანდრე დოლიძის სკოლის გადასახადისთვის ოჯახმა 2000.00 გასცა, ხოლო ქეთევან თაგვაძეს ბინის რემონტი 14 000.00 ლარი დაუჯდა.
დეკლარაციაში ასევე აღნიშნულია, რომ ზაზა დოლიძე სამი შპს-ს – შპს ჰელს ქეა ჰოლდინგის, შპს ტრანსფერ სერვისის და შპს დოლა ბრაზერსის პარტნიორია, ტუმცა სამივეგან სტატუსი შეჩერებული აქვს და არცერთი მათგანიდან შემოსავალი არ მიუღია.
ცნობისთვის, სსიპ სურსათის ეროვნული სააგენტოს უფროსის თანამდებობაზე ზაზა დოლიძე პრემიერ-მინისტრის 2014 წლის 26 ნოემბრის ბრძანებით დაინიშნა. დოლიძემ ამ თანამდებობაზე ზურაბ ჩეკურაშვილი შეცვალა. აღნიშნული თანამდებობიდან დოლიძე დღეს გათავისუფლდა.
ზაზა დოლიძე 1981 წელს დაიბადა. 2004 წელს დაამთავრა თბილისის სახელმწიფო სამედიცინო უნივერსიტეტი, სპეციალობით – ზოგადი პროფილის ექიმი. გავლილი აქვს ბიზნესის ადმინისტრირების კურსი თავისუფალ უნივერსიტეტში (ESM-თბილისი).
სურსათის ეროვნული სააგენტოს უფროსის თანამდებობაზე დანიშვნამდე იყო მომსახურების სააგენტოს დირექტორის მოადგილე. მუშაობდა სოციალური მომსახურების სააგენტოს დირექტორის მრჩევლად, იყო შსს-ს საფინანსო-სამეურნეო დეპარტამენტის დირექტორის კონსულტანტი ორგანიზაციული მართვის საკითხებში.
ზაზა დოლიძემ შრომითი საქმიანობა 2006 წელს შპს "პე-ეს-პე ფარმაში" კორპორატიული გაყიდვების მენეჯერად დაიწყო. 2011 წლამდე მუშაობდა კორპორატიული გაყიდვების სამსახურის უფროსად, ხოლო მოგვიანებით, 2012-2013 წლებში – "პე-ეს-პე დაზღვევის" დირექტორად. 2013-14 წლებში ხელმძღვანელობდა საფეხბურთო კლუბ რუსთავის „მეტალურგს".
სოფლის მეურნეობის მინისტრის, ოთარ დანელიას გადაწყვეტილებით, სურსათის ეროვნული სააგენტოს ყოფილი უფროსი ზურაბ ჩეკურაშვილი სოფლის მეურნეობის მინისტრის მრჩევლად დაინიშნა.
ამავე თემაზე:
სურსათის ეროვნული სააგენტოს ხელმძღვანელი თანამდებობიდან გათავისუფლდა
