გურიის გუბერნატორის მოადგილე "ნაციონალური მოძრაობის" წევრს, გურიის კურატორს გურამ ჩალაგაშვილს ურჩევს პარტია დატოვოს და "პოლიტიკური სანაგვიდან გამოძვრეს".
ერქომაიშვილმა ეს ტგანცხადება ფეისბუქის საკუთარ გვერდზე მას შემდეგ გააკეთა, რაც ჩალაგაშვილმა "ქართული ოცნება" მისი პარტიის მომხრეების დევნაში დაადანაშაულა:
"როგორც წესი, მსგავსი ტიპის გამოხტომებს ყურადღებას არ ვაქცევ, მაგრამ გამონაკლისის სახით არ შეიძლება პასუხგაუცემლობაც, ვინაიდან, ჩვენ, ამომრჩეველთან გვაქვს საქმე და ეს თავისთავად პასუხისმგებლობაა.
დავიწყებ იმით, რომ 23-ში ჩატარებული შეხვედრა და მოსახლეობისთვის სოფელ ნასაკირალის სადეპუტატო კანდიდატის წარდგენამ დაგვანახა, რომ სოფლის ამომრჩევლის აბსოლიტური უმრავლესობა მხარს უჭერს "ქართული ოცნების" კანდიდატს.
ნაცებო, უკვე თქვენც გრძნობთ, რომ დიდი ანგარიშით, კიდევ ერთხელ დამარცხდებით საუკუნოდ.
ამავედროს არ შემიძლია კიდევ ერთხელ არ შევეხო ხელწერას, რომელიც ახასიათებს იმ პოლიტიკურ ავანტიურისტებს, რომლებიც ასე გაწაფულები არიან შეთითხნილი ამბების სხვისთვის გადაბრალებაში.
ეს თქვენი ხელწერაა, ნაცებო (გურამ ჩალაგაშვილს), რასაც ანალოგი არ მოეძებნება. ანუ, ჩამოყალიბდით, როგორც მატყუარათა ბრენდი ქართულ პოლიტიკურ სივრცეში.
როგორც ვატყობ, ბატონო ჩალაგაშვილო, მისამართი აგერიათ. ის, ვინც სოფელში ავრცელებს ინფორმაციას, თითქოს პოლიციელები აიძულებენ ახალგაზრდებს დატოვონ სოფელი, ეს თქვენი კანდიდატია, ბატონი ქათამაძე.
ის, რომ თითქოს რაც ხდება სოფლად, პროექტების განხორციელების კუთხით, თითქოს ქათამაძის დამსახურებაა (ატყუებს მოხუცებს).
გამგეობაში რომ პროოკატორი მთვრალები დარბიან და გამომწვევად იქცევიან ეს თქვენი კანდიდატის "სასტავია".
ის, რომ ამ სიბინძურეს სხვისკენ ამისამართებს, ნაციონალთა ადგილობრივი ორგანიზაციის "ფიგურების" _ მაგალითად: ბატონები მჟავანაძე-ქათამაძის იმპროვიზაციაა.
გავაგრძელო ისევ ჩამოთვლა?
დარწმუნებული ვარ არ გაწყობს. განა იმიტომ, რომ შუბლზე ძარღვი შეგრჩა(თ)? _ არა, იმიტომ, რომ მანდ ცენტრალურ ოფისში შეიძლება ყურები აგიწიონ, ესაოდა რას "გვიმახინჯებს" მჟავანაძე -ქათამაძის დუეტი ხელწერასო.
მივმართავ ჩალაგაშვილს, მგონი არც შენ უნდა იყო ძალიან ასაკში, რომ ჩემი რჩევა არ გაითვალისწინო.
თუ აზრი შეგრჩათ ბატონო გურიის კურატორო, გამოძვერით და თავს უშველეთ მაგ პოლიტიკურ სანაგვიდან, დროა!" _ წერს ერქომაიშვილი.
