11-12 ივნისს, საქართველოს სოფლის მეურნეობის სამინისტროს ორგანიზებით, რაჭა-ლეჩხუმის რეგიონში მოეწყო მედიატური ჟურნალისტებისთვის. ელექტრონული და ბეჭდური მედიის, ინტერნეტგამოცემების 40-ზე მეტი წარმომადგენელი ქალაქ ამბროლაურში გაეცნო სურსათის ეროვნული სააგენტოს მიერ გახორციელებულ საქმიანობას, რაც წარმატებულია სამი მიმართულებით: ვეტერინარია, ფიტოსანიტარია და სურსათის უვნებლობა. კერძოდ, 2016 წლის მონაცემებით სურსათის უვნებლობის პროცესი შეუქცევადი წინსვლითაა გამოხატული: ამ წლის პირველ კვარტალში, რეგიონის 45 საბავშვო ბაღიდან უკვე შემოწმებულია 33, სარეაბილიტაციო სამუშაოები ჩაუტრდა 30 ბაღის კვების ბლოკს, მოწესრიგდა სან-ჰიგიენური მდგომარეობა და წყალმომარაგება. ასევე, რეგიონში უკვე მზადყოფნაშია სამი სასაკლაო, ონის რაიონში კი "ბლაუენშტაინ საქართველო" (შვეიცარიულ-ქართული კომპანია) უკვე აღჭურვილია თანამედროვე ტექნოლოგიებით და დანერგილია ჰასპის სტანდარტი!
რაც შეეხება ვეტერინარიას, რეგიონის მასშტაბით ხდება პროფილაქტიკური ვაქცინაცია თურქულზე და იგეგმება სავალდებულო ვაქცინაცია ცოფზე. საუკეთესო ტენდენციაა ის, რომ ბრუცელოზის დაავადება რეგიონში საერთოდ არ ფიქსირდება, 70-იანი წლების შემდეგ რაჭაში ჯილეხი არ დაფიქსირებულა!
ფიტოსანიტარიის კუთხით, 2016 წლის პირველ კვარტალში გაიცა 14 ფიტოსანიტარული სერტიფიკატი მშრალი მცენარეული მასალის, ხის მასალის და ღვინის გატანაზე.
ჟურნალისტები ასევე ეწვივნენ ამბროლაურის შპს მექანიზატორის სერვისცენტრს, რომელიც 35 ერთეული ტრაქტორით და 93 ერთეული აგრეგატითაა დაკომპლექტებული; დაათვალიერეს სასოფლო-სამეურნეო კოოპერატივი "ძირაგეული", რომელმაც კოოპერატივების მხარდაჭერის სახელმწიფო პროგრამის ფარგლებში დამატებით 100 სკა და თაფლის საწური ციბრუტი მიიღო. რაც შეეხება მევენახეობისა და მეღვინეობის განვითარების შეუქცევად პროცესს, რომელსაც რაჭაში აშკარა აღმავლობის ხანა უდგას, ჟურნალისტებმა ყოველივე ეს თვალნათლივ ნახეს სოფელ საკეციაში გაშენებული ახალი ვენახების სახით, სადაც რაჭის მკვიდრმა ტარიელ ისაკაძემ 17 ჰა ფართობზე გააშენა ალექსანდროულის, მუჯურეთულის და უსახელოურის ჯიშის ვაზი და შეღავათიანი აგროკრედიტის ფარგლებში, დაფინანსება მიიღო 250 000 აშშ დოლარის ოდენობით.
ქალაქ ამბროლაურში ჟურნალისტებმა მოინახულეს შპს "ხვანჭკარა პრემიუმი", რომელიც ხვანჭკარას, ტვიშის, რაჭული თეთრას ღვინოებს აწარმოებს. საწარმომ შეღავათიანი აგროკრედიტით 2013 წელ ისარგებლა და 205, 000 აშშ დოლარი მიიღო. მოხდა საწარმოს გადაიარაღება. ახლა აქ 30 ადამიანია დასაქმებული (სეზონურად 70 ადამიანი საქმდება) და წლიურად 200 ტონა ღვინოს იწარმოება.
ოთარ დანელიამ შემაჯამებელ, სეხედრაზე განმარტა, რომ საქართველოს მასშტაბით გადაიარაღდა 700 და და შეიქმნა ახალი 148 საწარმო.
"მედიატურები ჩვენ ვაქციეთ პრაქტიკად, რაც დიდი სტიმულია მოსახლეობისთვის, ეს გამოხატავს მათ გვერდში დგომას, დაფასებას. ჩვენ დავამსხვრიეთ ის ტენდენცია, რომ სოფლის მეურნეობა არის ზარალიანი. ჟურნალისტებს საშუალება გეძლევათ, სოფლის მეურნეობის სამინისტროს მიერ გახორციელებული პროექტების ფარგლებში დაფინანსებული ახალი საწარმოები , ახალი სანაშენე მეურნეობები და სხვა ობიექტები თვალნათლივ ნახოთ, შეაფასოთ და გააცნოთ ხალხს," – თქვა მან.
მედიატური სოფლის მეურნეობის განვითარების საერთასორისო ფონდის (IFAD) მიერ დაფინანსებული პროექტის "სოფლის მეურნეობის მოდერნიზაციის, ბაზრებზე წვდომის და მოქნილობის პროექტის" მხარდაჭერით გაიმართა.
