ოთხი ცალი კვერცხის გულით (ცილა ცალკე მოვათავსოთ) და ორი ჭიქა შაქრით გავაკეთოთ გოგლიმოგლი. დავუმატოთ 200 გრამი ამოყვანილი კარაქი, ვანილი და ავურიოთ. ჩავასხათ ჭიქანახევარი მაწონი სოდით და ბოლოს ნელნელა დავუმატოთ სამი ჭიქა ფქვილი. ფქვილს როცა ვამატებთ ყოველთვის კოვზით მოვურიოთ. გავყოთ სამ ნაწილად და ცხიმწასმულ კალკაზე გავაბრტყელოთ კოვზის დახმარებით. გამოვაცხოთ ცალ-ცალკე.
კრემი: ნახევარი ლიტრი რძით, ½ ჭიქა ფქვილითა და ერთი ჭიქა შაქრით გავაკეთოთ მოხარშული კრემი. როცა გაგრილდება, დავუმატოთ 150 გრამი ამოყვანილი კარაქი, ვანილი. კარგად ავთქვიფოთ.
ბეზე: ოთხი კვერცხის ცილა და ერთი ჭიქა შაქარი კარგად ავთქვიფოთ, ოთხი საშუალო ზომის გახეხილი ვაშლი და ასევე გახეხილი ერთი პატარა ლიმონი. ავურიოთ.
პირველ ფირფიტას წავუსვათ კრემი, მეორეს _ ბეზე ვაშლითა და ლიმონით, მესამეს_ კვლავ კრემი. ზემოდან კი გავუკეთოთ შოკოლადის მინანქარი, რომელსაც ჩვეულებრივად მოვამზადებთ კაკაოთ, შაქრით, კარაქითა და რძით. შეგიძლიათ, მინანქარს ზემოდან, შეგიძლიათ, მეჩხერად და სიმეტრიულად თეთრი ყვავილები დასვათ.
