12 ივლისიდან, ტელეკომპანია "პირველზე" გიორგი ისაკაძის საავტორო გადაცემები "ბიზნესკონტაქტი" და "საქმიანი დილა" გავა.
აღნიშნულის შესახებ ინფორმაციას ტელეჟურნალისტი ინგა გრიგოლია და "ბიზნესკონტაქტის" ჟურნალისტები ავრცელებენ.
"ემზადებიან ეს უმაგრესები ეთერში გასასვლელად. სულ მალე… "tv პირველზე" "ბიზნესკონტაქტი" და " საქმიანი დილა".
წარმატებები ამ ყველაზე მაგარ გუნდს და მე მიხარია,რომ ორ დღეში ჩვენ ყველა ერთად,ერთი ეთერიდან მოგესალმებით. ასე ვქმნით ნელ–ნელა ახალგაზრდა და თავისუფალ ტელევიზიას..
p.s. მადლობა რუხაძე—ბახტაძე –ნაყეურს, რომ ეს ხალხი დამდეგი კვირიდან "პირველზეა", _ წერს ინგა გრიგოლია სოციალურ ქსელში.
"ზუსტად ვიცოდი, რომ მე და ჩემი გუნდი არაფერს კარგავდა… დაკარგა სხვამ…
tv "პირველზე" გელოდებით ყველას 12 ივლისიდან.
P.S. ასე ხდება, როცა არც ისე ცუდ პროექტებს/საქმეს აკეთებ.
ძალიან დიდი მადლობა მხარდაჭერისთვის ყველას!" _ დაწერა "ბიზნესკონტაქტისა" და "საქმიანი დილის ერთ-ერთმა ჟურნალისტმა თელარა გელანტიამ საკუთარი "ფეისბუკის" გვერდზე.
შეგახსენებთ, რომ შპს "სტუდია მაესტროს" გენერალურმა დირექტორმა ზურაბ ნაყეურმა "ბიზნესკონტაქტის", "საქმიანი დილის" და "ანალიტიკის" პროექტების მენეჯრი გიორგი ისაკაძე 31 მაისს გაათავისუფლა. ისაკაძის ტელეკომპანია "მაესტროდან" გათავისუფლების მთავარ მიზეზად, აღნიშნული გადაცემების ე.წ. აუთსორსზე გასვლის მოთხოვნა დასახელდა.
რამდენიმე დღეში, მაესტროს გენერალურმა დირექტორმა "ბიზნესკონტაქტის", "საქმიანი დილის" ოთხ ჟურნალისტს თამუნა ქემერტელიძეს, თელარა გელანტიას, ელენე კვანჭილაშვილს და ბექა ბაციკაძეს შრომითი ხელშეკრულება შეუჩერა. არხის დირექტორმა აღნიშნულის მიზეზი "ბიზნესკონტაქტისა" და "საქმიანი დილის" თანამშრომლების ტელეკომპანია რუსთავი 2-ის გადაცემა "არჩევანში" მონაწილეობა გახდა.
მოგვიანებით კი, ტელეკომპანიის ხელმძღვანელმა უფლებამოსილება კიდევ 27 თანამშრომელს შეუჩერა, რის ოფიციალურ მიზეზადაც თანამშრომლების გაფიცვა დასახელდა.
ამავე თემაზე:
"მაესტროს" თანამშრომლები ტოვებენ
"საქმიანი დილა" და "ბიზნესკონტაქტი" "მაესტროსთან" თანამშრომლობას წყვეტს
"მაესტროს" 4 ჟურნალისტი გადაცემა "არჩევანში" მონაწილეობის გამო სამსახურიდან გაათავისუფლეს
მაესტროს დირექტორი თანამშრომლებზე: სიამოვნებით დავიბრუნებთ და გავაგრძელებთ შრომით ურთიერთობას
"მაესტროს" გათავისუფლებული თანამშრომლები სასამართლოში სარჩელის შეტანას დღეს გეგმავენ
