ეთერ ნატროშვილი, ლანჩხუთი:
_ სიღარიბე და გაჭირვება.
მარინა კვიტაიშვილი, ლანჩხუთი:
_ ყველაზე მთავარი სოციალური ყოფაა. წლებია ასეა, არანაირი უკეთესობა არ არის.
მიშიკო ჩერქეზია, ლანჩხუთი:
_ ჩემთვის ყველაზე აქტუალური პრობლემა დღევანდელი ხელისუფლებაა.
რუსუდან ჭეიშვილი, ოზურგეთი:
_ პირველი რიგში, მთავარი პრობლემა მაინც რჩება უმუშევრობა და კარგი იქნება, თუ ამ პრობლემის მოგვარებას დროულად დაიწყებს ხელისუფლება.
ლამზირა ხმალაძე, ოზურგეთი:
_ პრობლემის მეტი რა არის?! საქმეებიც კი კეთდება, მაგრამ… ყველაზე მეტად უმუშევრობას გამოვყოფდი.
ციალა გარაყანიძე, ოზურგეთი:
_ ასე ვერ გამოვყოფ, უფრო ეკონომიკას უჭირს ქვეყანაში.
მანანა ეფიმოვა, ოზურგეთი:
_ ვერაფერს გეტყვით. პრობლემებს რა გამოლევს ქვეყანაში?!
თამარ ცეცხლაძე, ოზურგეთი:
_ ყველაფერი პრობლემაა. მეუღლე მყავს ავად და არ ვიცი, რა გავაკეთო. სოციალური პრობლემაა მთავარი.
ლია ხახნელიძე, ჩოხატაური:
_ პრობლემების მეტი რა მაქვს?! არც ქმარი მყავს და არც შვილები სახლში, მარტო ვცხოვრობ. შემოსავალი არაფერი მაქვს, გარდა პენსიისა.
თეიმურაზ ჩხიკვაძე, ჩოხატაური:
_ ჩოხატაურის მუნიციპალიტეტის სოფელ გორაბერეჟოულში ყოფილი სასოფლო სამეურნეო ტექნიკუმი უნდა აღორძინდეს და როგორი სახელიც ჰქონდა, დაუბრუნდეს. არანაირი დაფინანსება, არაფერი არსებობს. მოგვაქციონ ყურადღება _ მეტი არაფერი!
ტარიელ მიქაშავიძე, ჩოხატაური:
_ უმუშევრობა.
