აშშ-ის პროკურატურამ ნიუ-იორკსა და ნიუ ჯერსიში მომხდარ აფეთქებებს ტერაქტის კვალიფიკაცია მიანიჭა. მის მოწყობაში ეჭვმიტანილს 28 წლის აჰმად რაჰამს კი ახალი ბრალდებები წაუყენა. აჰმად რაჰამი მასობრივი განადგურების იარაღის გამოყენებაში და კერძო საკუთრების განადგურებაშია ბრალდებული.
თავად ბრალდებული პოლიციასთან ორმხრივი სროლის შედეგად მიღებული მრავლობითი ჭრილობით საავადმყოფოშია მოთავსებული.
გამოძიების თანახმად, მამაკაცი რამდენიმე წლის წინ ავღანეთში იმყოფებოდა, აშშ-ში დაბრუნების შემდეგ კი რადიკალური იდეებით გამოირჩეოდა. სამართალდამცავი ორგანოები მისი ქმედებების შესაძლო მოტივებზე, ჯერჯერობით, არ საუბრობენ.
