საქართველოს მმართველი პარტია ეგზიტპოლებზე დაყრდნობით აცხადებს, რომ არჩევნებში გაიმარჯვა, _ ამ სათაურით აქვეყნებს BBC საქართველოში ჩატარებული საპარლამენტო არჩევნების შესახებ სტატიას, რომლის თარგმანსაც "გურია ნიუსი" გთავაზობთ.
მაუწყებლის ინფორმაციით, საქართველოს მთავრობა ამტკიცებს, რომ არჩევნებში გაიმარჯვა, მუხედავად იმისა, რომ ეგიტპოლის შედეგები ერთმანეთისგან მკვეთრად განსხვავდება.
BBC -ის ცნობით, მაუწყებლების ნაწილის მიერ გავრცელებული ეგზიტპოლების მიხედვით, მმართველ გუნდს ხმა ამომრჩევლების 53.8%-მა მისცა, ხოლო სხვა პრო-ოპოზიციური ტელეარხის მონაცემებით "ქართულ ოცნებას" 39.9% აქვს, შესაბამისად, ორივე ეგზიტპოლის შედეგების მიხედვით მე-2 ადგილზე "ერთიანი ნაციონალური მოძრაობა" გავიდა, 19.5% და 32.7%-ით.
მაუწყებლის ინფორმაციით, არჩევნების შედეგებს საქართველოს პრემიერ-მინისტრმა, გიორგი კვირიკაშვილმა "დიდი გამარჯვება" უწოდა, მაგრამ "ნაციონალური მოძრაობის" ლიდერები შეფასებას ეჭვქვეშ აყენებენ.
გიგა ბოკერიას განცხადებით, "ქართული ოცნება" დამარცხდა ისე, რომ არ ეყოლება საკმარისი რაოდენობა ახალი კაბინეტის შესაქმნელად."
მისივე თქმით, მის პარტიას არჩევნებში გამარჯვება შეეძლო.
მაუწყებლის ინფორმაციით, არჩევნებში, რომელიც ყოფილი საბჭოთა რესპუბლიკის სტაბილურობის გამოცდა იყო, ერთმანეთს 20-ზე მეტი პოლიტიკური პარტია უწევდა კონკურენციას.
BBC-ის ცნობით, გამოკითხვების მიხედვით, ამომრჩევლების უმეტესობას გადაწყვეილი არ ჰქონდა ვის მისცემდა ხმას.
მისივე ინფორმაციით, სიღარიბე, უმუშევრობა და სესხები მათი ცხოვრების დეგრადაციას ახდენს, რის გამოც მოქალაქეები არჩევნებით დაღლილები არიან.
მაუწყებლის ინფორმაციით, ეგზიტპოლების შედეგების მიხედვით, პრო რუსულმა პარტიამ პოსტ საბჭოთა საქართველოს ისტორიაში პირველად შეძლო პარლამენტში შესვლა.
გავრცელებლი ინფორმაციით, "პატრიოტთა ალიანსმა" ხმების 5%-ზე მეტი რაოდენობა მოიპოვა, რაც ერთ-ერთი მოთხოვნაა 150 კაციან პარლამენტში მოსახვედრად.
მაუწყებლის ინფორმაციით, საქართველოსა და რუსეთს შორის 2008 წელს მომხდარი ხანმოკლე ომის შემდეგ ქვეყანას სურს, რომ ნატო-სა და ევროკავშირში გაწევრინდეს.
BBC-ის ცნობით, რეგიინში, სადაც ძირითადად ავტორიტარული სახელმწიფოებია, საქართველომ პოსტ საბჭოთა სივრცეში გამოირჩევა მრავალპარტიული დემოკარატიით.
მაუწყებლის ცნობით, საარჩევნო კომისიის მონაცემების თანახმად, ამომრჩეველთა აქტივობა დაბალი იყო და ხმის მისაცემას მხოლოდ 51% მივიდა.
კვირიკაშვილმა საარჩევნო პროცესი შეაქო და "ჭეშმარიტად თავისუფალი და დემოკრატიული" უწოდა, მაგრამ დამკვირვებლებმა პროცედურული დარღვევები დააფიქსირეს.
როგორც BBC წერს, თბილისში, "ნაციონალური მოძრაობის" დეპუტატის, მანქანის განზრახ აფეთქების გამო პარტია ხეისუფლებას არჩევნების წინ "სიძულვილის კლიმატის" შექმნაში ადანაშაულებს.
გარდა ამისა, პოლიციის ინფორმაციით, მარნეულში საარჩევნო უბანს "ნაციონალური მოძრაობის" მხარდამჭერები თავს დაესხნენ.
მაუწყებლის ცნობით, "ქართული ოცნება" სადავო არჩევნების მოგებას 4 წლის განმავლობაში წარმატებით განხორციელებული ეკონომიკური რეფორმების იმედად აპირებდა.
"ერთიანმა ნაციონალურმა მოძრაობამ" კი საერთაშორისო აღიარება ყოფილი პრეზოდენტის, მიხეილ სააკაშვილის ლიდერობის დროს განხორციელებული რეფორმებით მოიპოივა, რომელიც 2012 წელს ციხის სკანდალის შემდეგ არჩევნებში დამარხცდა.
როგორც BBC წერს, მან იმედი გამოთქვა, რომ ქართველი ხალხი მმართველი პარტიით დაიღალა, რომლის დამფუძნებელი მილიარდერი ბიძინა ივანიშვილია, რომელმაც მიუხედავად იმისა, რომ პოლიტიკა ოფიციალურად დატოვა, ჯერ კიდევ ქვეყანაში გადაწყვეტილებების მთავარ მიმღებად მიიჩნევა.
