18 ნოემბერს თბილისის მოსახლეობის ნაწილს ელექტრო ენერგიის მიწოდება შეეზღუდება, რისი მიზეზიც თელასის მიერ სხვადასხვა სამუშაოების ჩატარება სახელდება.
ხვალ ელექტრო მომარაგების მიწოდება 10 საათიდან 18 საათამდე შეეზღუდება საბურთალოს რაიონში სოფელ დიღმის და კვანტალიანის ქუჩის (ვაშლიჯვარი) მაცხოვრებლებს, ხოლო 10 საათიდან 16 საათამდე შეზღუდვა შეეხება: ვაჟა-ფშაველას გამზირის და ოთარ ჭილაძის ქუჩის მაცხოვრებლებს.
10 საათიდან 16 საათამდე შეზღუდვა ასევე შეეხება სამგორის რაიონში მოსკოვის გამზირის IV კვარტლის, გრიგოლ ლორთქიფანიძის, ბაბუციძის, ოცხელის და ქინძმარაულის ქუჩების მაცხოვრებლებს.
110 კვ ელექტროგადამცემი ხაზის „მახათა“ რეკონსტრუქციასთან დაკავშირებით 10 საათიდან 12 საათამდე შეზღუდვა შეეხება: სოფელ წინუბნის მაცხოვრებლებს (კომპანია „ენერგო-პრო ჯორჯიას“ აბონენტები)
გადაუდებელი სარემონტო სამუშაოების გამო 10 საათიდან 18 საათამდე შეზღუდვა შეეხება დიდუბის რაიონში: აკაკი წერეთლის გამზირის (ნაწილობრივ), სამტრედიის და აგლაძის ქუჩების მაცხოვრებლებს.
საინვესტიციო პროგრამით გათვალისწინებული ქსელის გაუმჯობესების მიზნით 10 საათიდან 18 საათამდე ელექტრო ენერგიის მიწოდება შეეზღუდება კრწანისის რაიონში გულიას ქუჩის მაცხოვრებლებს.
12 საათიდან 16 საათამდე შეზღუდვა შეეხება ნაძალადევის რაიონში ბეჟანიშვილის, კნოლევის, ქართლის, ღოღობერიძის, ილურიძის, დაისის და ქსოვრელის ქუჩების მაცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.
