პარლამენტის პლენარულ სხდომაზე საქართველოს პარლამენტის გამოკლებული წევრის, მანანა კობახიძის ადგილმონაცვლის, ანრი ოხანაშვილის უფლებამოსილება 105 ხმით ცნეს. ანრი ოხანაშვილი, რომელიც „ქართული ოცნების" საარჩევნო სიის 49-ე ნომერია, საქართველოს პარლამენტის აპარატის უფროსის თანამდებობას 2016 წლის დეკემბრიდან იკავებდა. ანრი ოხანაშვილი უფლებამოსილების შესრულებას დღეიდან შეუდგა.
