“2007 წელს, მახსოვს, ეთერში ვიყავი, დამირეკეს და ვთქვი, რომ ეს არის სააკაშვილის ტრაგიკული შეცდომა, რომელსაც ის გადაიხდის” _ ამის შესახებ საქართველოს პრეზიდენტმა ,,იმედის კვირის“ ეთერში, რუსთავი 2-ის საქმესთან დაკავშირებით საუბრისას განაცხადა.
გიორგი მარგველაშვილმა 2012 წელს ქართული ოცნების ხელისუფლებაში მოსვლის პერიოდიც გაიხსენა და აღნიშნა, რომ მთავარი გზავნილი სწორედ იყო ის, რომ აღარ იარსებებდა კონტროლი მედიაზე.
,,თავისუფალი მედია საქართველოში, გამომდინარე იმ აქტუალობიდან, რომელსაც თქვენ იძენთ, იმ ყურედღებიდან, როგორც ქართველები ვუყურებთ, მედია არის ჩვენი სახელმწიფო მოწყობის მართლაც მეოთხე ხელისუფლება.
როცა ჩვენ მოვედით 2012 წელს, ჩვენი მთავარი გზავნილი იყო ის, რომ ჩვენ ვამთავრებთ სახელმწიფო კონტროლს მედიაზე, შანტაჟს, მოსმენებს და ა.შ. ეს გვაერთიანებდა. სააკაშვილის ხელისუფლების მთავარ პრობლემას ვხედავდით იმაში, რომ მათთვის ადამიანი იყო ის ერთეული, რომელიც თუ არ გეთანხმებოდა, უნდა გაგეჩერებინა აგრესიული მეთოდებით, ეს ეხებოდა მედიასაც.
2012 წლის მერე ჩვენ შევცვალეთ მიდგომა, მაგრამ მინდა ყველას ვუთხრა, რომ თავისუფლება და დემოკრატია არასდროს არ არის მოპოვებული საბოლოოდ, უნდა ვიყოთ ფხიზალდ, რომ დავიცვათ ეს ღირებულებები. და ძალაუფლება, რომელიც არ კონტროლდება მიისწრაფვის ზედმეტი კონტროლისაკენ“ _ განაცხადა პრეზიდენტმა.
გიორგი მარგველაშვილმა 2015 წელს რუსთავი 2-თან დაკავშირებული პროცესების საუბრისას აღნიშნა, რომ აუცილებელი იყო მაშნ პროცესების მშვიდობიან კალაპოტში ჩადგომა, რის გამოც, მაშინ პრეზიდენტმა კონსულტაციები გამართა, რამაც დაძაბულობის განტვირთვა გამოიწვია.
,,მიდრეკილება თუ არ არის, კონტროლი ყოველთვის არსებობს. თუ ჩვენ, თოთეული მოქალაქე არ იცავს თავისუფლებას, ჩვენ ვუქმნით ხელისუფლებას იმის საშიშროებას, რომ შემთხვევით გადასცდეს ზღვარს.
2015 წელს მოხდა თავიდან აცილება დაპირისპირების. თუმცა მანამდეც და მერეც ძალიან მაღალი თანამდებობის პირები ძალინ ღიად აფიქსირებენ კრიტიკის წინააღმდეგ მიუღებლლობას, და არსურვილს, მოისმინონ კრიტიკა. კრიტიკა არ არის ყოველთის სამართლიანი, მაგრამ შენ გაძლევს საშუალებას არგუმენტში შენი სიმართლე აჩვენო. კრიტიკის გაჩუმებით ცუდ სამსახურს ვუწევთ სახელმწიფოს“ – განაცხადა პრეზიდენტმა.
წყარო:www.newposts.ge
