თბილისის საქალაქო სასამართლომ პროკურატურის არგუმენტები გაითვალისწინა და გაზეთ „ქრონიკა+“-ის მთავარი რედაქტორის ელისო კილაძის შვილს დავით ხარშილაძეს აღკვეთის ღონისძიების სახით წინასწარი პატიმრობა შეუფარდა. დაცვის მხარე დაკავებულის აღკვეთის ღონისძიების გარეშე დატოვებას და დარბაზიდან გათავისუფლებას ითხოვდა, თუმცა სასამართლომ ხარშილაძე წინასწარ პატიმრობაში დატოვა.
