ქალაქ მიუნხენში სექსისგან დაღლილი მამაკაცი იძულებული გახდა პოლიცია გამოეძახებინა, რათა თავისი გაუმაძღარი პარტნიორისგან თავი დაეცვა. რამდენიმე სქესობრივი აქტის შემდეგ დაკმაყოფილებულმა 43 წლის მამაკაცმა წასვლა დააპირა. 47 წლის ქალი ცდილობდა, მამაკაცი ისევ ლოგინში შეეთრია და ბინიდან გასვლის უფლებას არ აძლევდა. მამაკაცი მიხვდა, რომ შესაძლოა, სექს-მძევალი გამხდარიყო და სასოწარკვეთილი აივანზე ყვირილით გავარდა. სექსუალური მოძალადისგან თავის დასახსნელად ის პოლიციას უხმობდა. მეზობლებმა პოლიცია გამოიძახეს.
მოგვიანებით ცნობილი გახდა, რომ დაზარალებულმა მამაკაცმა ტემპერამენტიანი ქალი ცოტა ხნის წინ გაიცნო. მის სახლში მისვლა კი, საბოლოოდ, სანანებელი გაუხდა.
პოლიციის მისვლის შემდეგ გაუმაძღარმა ქალმა სექსზე თვით პოლიცილების დაყოლიებაც კი, სცადა. სამართალდამცავებს იგი მისი „დაღლილი პარტნიორის ჩანაცვლებას“ სთხოვდა, თუმცა მათგან თანხმობა ვერ მიიღო. სექს-ტერორისტს ბრალი სექსულაური ძალადობისთვის წაუყენეს.
გერმანიაში ეს პარტნიორებს შორის სექსუალური ურთიერთობების საჯაროდ განხილვის პირველი შემთხვევა არ არის. 2014 წელს ქალაქ აახენში 44 წლის ქალმა პოლიცია გამოიძახა და მეუღლე მისი მოვალეობის შეუსრულებლობაში დაადანაშაულა. აღმოჩნდა, რომ ოჯახურ წყვილს რამდენიმე თვის განმავლობაში არ ჰქონდა სექსუალური კონტაქტი. ერთ ღამეს ქალმა 45 წლის ქმარი გააღვიძა და სექსუალური მოთხოვნილების დაკმაყოფილება მოსთხოვა. უარის მიღებისთანავე ქალმა პოლიციას მიმართა, თუმცა სამართალდამცავებმა მეუღლის სურვილის შესრულებაზე მამაკაცის დაყოლიება ვერ შეძლეს.
გერმანიაში ჩატარებული გამოკითხვები მოწმობს, რომ გერმანელები სექსის დიდი მოთხოვნილებით არ გამოირჩევიან. ყოველი მეხუთე თვლის, რომ კვირაში ერთი სექსუალური აქტი სავსებით საკმარისია. მხოლოდ გამოკითხულთა 7%-ს აქვს სექსი კვირაში მინიმუმ 5-ჯერ. ყოველი მეხუთე გერმანელი კი, სექსს მეგობრებთან ერთად ლუდის სმას ამჯობინებს. ჟურნალ „Men’s Health“-ის გამოკითხვაში მამაკაცებმა აღნიშნეს, რომ ჩაციებული ლუდი მიმზიდველ შავგვრემანს ურჩევნიათ.
