1. კრისტენ სტიუარტი და ცხენები – ფილმში “ფიფქია და მონადირე” კრისტენ სტიუარტმა მეომარი ფიფქიას როლი შეასრულა. გადაღებების დროს მას ცხენზე ჯირითი მოუწია.
“ეს საშინელება იყო, იმიტომ რომ ცხენების ატანა არ მაქვს”, – განაცხადა კრისტენმა.
როგორც ჩანს, ეს შიში ახალგაზრდა მსახიობს ბავშვობიდან დაჰყვა. პატარაობისას ის ცხენიდან ჩამოვარდა და იდაყვი მოიტეხა.
2. ბილი ბობ ტორნტონი და ანტიკვარული ავეჯი – ბილი ბობ ტორნტონი ფობიაა ანტიკვარული ავეჯი.
“არ მეშინია ამერიკული ძველი ავეჯის, მეშინია ფრანგულის. ძველი ოქროთი მოპირკეთებული მაგიდების, ლუდოვიკო XIV პერიოდის ავეჯის. მათ ცუდი აურა აქვთ და მტვრიანები არიან”, – განაცხადა ბილი ბობმა.
3. პამელა ანდერსონი და სარკეები – “დიახ, არ მიყვარს სარკეები და ასევე არ მიყვარს ტელევიზორში ჩემი თავის დანახვა. როდესაც რომელიმე არხზე ჩემი ფილმი გადის, ვრთავ ან საერთოდ გავდივარ ოთახიდან”, _ განაცხადა პამელამ.
4. ორლანდო ბლუმი და ღორები _ როდესაც მსახიობი კინგდომ ოფ ჰეავენ-ის გადაღებაში იღებდა მონაწილეობას და დაინახა, რომ ახლო-მახლო პატარა გოჭი დარბოდა, ორლანდო სასწრაფოდ გაუჩინარდა.
5. ნიკოლ კიდმანი და პეპლები _ “როდესაც სკოლიდან სახლში ვბრუნდებოდი და მთავარ ჭიშკარზე პეპელას ვხედავდი, მეორე მხრიდან ვუვლიდი სახლს და ღობიდან ვძვრებოდი. ვცადე ამ ფობიისგან თავის დაღწევა, მაგრამ არაფერი გამომივიდა. მე ვხტები თვითმფრინავიდან, ჩემზე დადიოდნენ ტარაკანები, მაგრამ პეპლები – ეს უკვე ჩემს ძალებს აღემატება”, _ განაცხადა ნიკოლმა.
6. ქრისტინა რიჩი და ოთახის მცენარეები – ქრისტინა რიჩის საოცრად ეშინია ოთახის მცენარეების. მსახიობი თვლის, რომ ისინი ძალიან ჭუჭყიანები და მტვრიანები არიან. “მათ სიახლოვეს რომ ვარ, ჭკუიდან გადავდივარ”, _ განაცხადა რიჩიმ. ბოტანოფობიის გარდა, ვარსკვლავს ასევე ეშინია საცურაო აუზებისაც.
7. ოპრა უინფრი და საღეჭი რეზინები – დღეს უკვე თოქ-შოუების დედოფალი, ოპრა უინფრი ჩიკლეფობიით იტანჯება, რაც საღეჭი რეზინებისადმი შიშს ნიშნავს. “ეს შიში ბებიისგან მაქვს, ის საღეჭ რეზინს გარდერობში ინახავდა. გარდერობი ძალიან დიდი იყო, ამიტომ მე მასთან ახლოს არ მიშვებდნენ. მაშინ გამომიმუშავდა საღეჭი რეზინებისადმი შიში”, _ ამბობს ჟურნალისტი.
8. კარმენ ელექტრა და წყალი – ცნობილ მსახიობსა და მოდელს, კარმენ ელექტრას წყლის ეშინია, თუმცა არა იმდენად, რომ უარი ეთქვა როლზე სერიალში “მალიბუს მაშველები”. მსახიობმა პოპულარობა სწორედ ამ სერიალით მოიპოვა. “წყლის სიახლოვეს პანიკა მეწყება”, _ ამბობს ელექტრა.
9. ჯონი დეპი და მასხარები _ ვარსკვლავმა განაცხადა, რომ ამ ფობიას ყველა შესაძლო ხერხით ებრძვის.
“მთელს სახლში მასხარების სურათები და პოსტერები გავაკარი. ვფიქრობ, თუ ჩემს გარშემო იქნებიან, ამ ფობიას დავძლევ”, _ თქვა ჯონი დეპმა.
10. ვუდი ალენი და ყველაფერი – მას ეშინია მწერების, კიბოს, სიმაღლის, სიბნელის, ხალხმრავლობის, ბავშვების, ირმების, მზის სხივების და მკვეთრი ფერების. მისი ერთ-ერთი შიში მანჰეტენს გარეთ ცხოვრებაა.
