მე-11 კლასელთა საატესტატო გამოცდების შემდეგების მიხედით ლანჩხუთის მუნიციპალიტეტის მასშტაბით ყველაზე წარმატებული სასულიერო გიმნაზიის მოსწავლე ნიკოლოზ იმნაძე და ჩიბათის საჯარო სკოლის აღსაზრდელი თენგიზ პატარაია აღმოჩნდნენ. მათ სამ საგანში მიიღეს 10-ქულიანი შეფასება.
ნიკოლოზ იმნაძემ უმაღლესი შეფასება გეოგრაფიაში, ქიმიასა და ბიოლოგიაში დაიმსახურა, ხოლო თენგიზ პატარაიმ _ ფიზიკაში, ქიმიასა და ბიოლოგიაში.
ჩოჩხათისა და ქალაქის პირველი საჯარო სკოლის მოსწავლეებმა, თამარ სივსივაძემ და მანანა ებრალიძემ უმაღლესი შეფასება ორ საგანში _ გეოგრაფიასა და ბიოლოგიაში მიიღეს. ბიოლოგიაში 10-ქულიანი შეფასება მიიღო პირველი სკოლის ორმა მოსწავლემ _ ნატა ხოფერიამ და ნატა იმნაძემ. ამავე საგანში უმაღლესი ქულა დაიმსახურა სუფსის საჯარო სკოლის მოსწავლემ გიორგი კალანდაძემ. ქალაქის მესამე საჯარო სკოლის მეტერთმეტეკლასელმა ლიკა ბზეკალავამ კი 10-ქულიანი შეფასება ქიმიაში მიიღო.
ლანჩხუთის საგანმანათლებლო ცენტრის ხელმძღვანელის, ნინო ჩიტაძის ინფორმაციით, საატესტატო გამოცდების მიმდინარეობისას ძალიან ბევრი მაღალი შეფასება დაიწერა.
„აღსანიშნავია, რომ ამის გარდა, არის ძალიან ბევრი მაღალი ქულა. ყოჩაღ ბავშვებო, ვულოცავ ყველას, სკოლებს, მშობლებს, მასწავლებლებს, ეს თითოეული თქვენგანის გამარჯვებაა“, _ ამბობს ნინო ჩიტაძე.
