ტექნოლოგიების განვითარებამ მრავალ კომპანიას თანამშრომლების შემცირების საშუალება მისცა.
სამსახურიდან გათავისუფლებული ადამიანების უმრავლესობას კი სამსახურის დაკარგვით გამოწვეული შოკისგან გამოსვლა უჭირთ.
სამუშაო დატვირთვის შემცირება, ზედამხედველის შეცვლა, თანამშრომლების უჩვეულო დამოკიდებულება, უფრო რთული დავალებების მიღება და სავალდებულო შვებულების არარსებობა_ეს ის 5 ნიშანია, რომლებიც DERNMEDIA-ს ცნობით, სამსახურიდან გათავისუფლებაზე მიანიშნებს.
სამუშაო დატვირთვის შემცირება
სამუშაო დატვირთვის შემცირებამ შეიძლება მიუთითოს იმაზე, რომ მმართველი საქმეს სხვა კოლეგებს უგზავნის და თქვენი თანამდებობისთვის ამზადებს.
ზოგჯერ კი ამას იმ მიზეზით გიხსნიან რომ სპეციალური დავალებებით გადატვირთული ხართ, რის გამოც, თქვენს დატვირთვას ამცირებს. მაგრამ ეს ყველაფერი შესაძლოა თქვენი სამსახურიდან წასვლის შესახებ სამზადისი იყოს.
ზედამხედველის შეცვლა
ყველა დასაქმებულს ჰყავს პიროვნება, რომელსაც ანგარიშს აბარებეს და ვინც მათ პროგრესს ამონიტორინგებს. ხშირად ამას უწყებრივი ხელმძღვანელი აკეთებს. ზედამხედველობის მოულოდნელმა ცვლილებამ მხოლოდ იმაში დაგარწმუნებთ, რომ თქვენი დღეები ოფისში დათვლილია.
უჩვეულო დამოკიდებულება
როდესაც თქვენი სამსახურიდან გათავისუფლების შესახებ ინფორმაცია ირგვლივ ვრცელდება, როგორც თქვენი ზედამხედველი, ასევე კოლეგები სხვანაირად იწყებენ მოქცევას. ესენი ამას იმიტომ აკეთებენ, რომ თქვენთან დაკავშირებული რაიმე ინფორმაციის გაჟონვას თავი აარიდონ.
უფრო რთული ამოცანები
უჩვეულოდ რთული ამოცანების დავალება შესაძლოა თქვენდამი ნდობის გამოვლენის ნიშანი იყოს, მაგრამ ის ასევე შესაძლოა, თქვენს სამსახურიდან გაშვებაზე მიანიშნებდეს. ზოგიერთი დავალების შესრულება შეუძლებელია და თქვენმა ბოსმა ეს იცის. მსგავსი დავალების მოცემით მან შესაძლოა მოგიძებნოთ კონკრეტული მიზეზი გასათავისუფლებლად.
სავალდებულო შვებულების არარსებობა
სავალდებულო შვებულების არარსებობა ნიშნავს, რომ სამსახურთან დასაშორებლად უნდა მოემზადოთ. ისინი უკვე მუშაობენ გეგმაზე თუ როგორ გააგრძელონ მუშაობა თქვენი წასვლის შემდეგ.
მაუწყებლის ინფორმაციით, ზოგჯერ ეს ნიშნები არაფერს ნიშნავს. თუმცა, თუ ეჭვი გეპარებათ რომ გათავისუფლებენ, უმჯობესია, ახალი ცხოვრების დაწყებისთვის მოემზადოთ.
