„საზოგადოებრივი მაუწყებლის სამეურვეო საბჭო სრულიად დეგრადირებული ორგანიზაციაა, რომელსაც არ შესწევს უნარი საკუთარი ფუნქცია შეასრულოს“ _ ასე გამოეხმაურა საქართველოს პარლამენტის წევრი, ფრაქცია “ნაციონალური მოძრაობის” თავმჯდომარე რომან გოცირიძე პარლამენტის სხდომაზე, საზოგადოებრივი მაუწყებლის სამეურვეო საბჭოს წევრის გიორგი იაკობაშვილის განცხადებას, რომელიც ამ უკანასკნელმა სოციალურ ქსელში გამოაქვეყნა და რომელშიც ჟურნალისტური ეთიკის ქარტიას და რეგიონში მომუშავე ჟურნალისტებს შეურაცხყოფა მიაყენა.
„ვემიჯნებით პარლამენტის ამ გადაწყვეტილებას, როდესაც საბჭოში მოხვდა ასეთი ადამიანი. ვუცხადებთ სოლიდარობას საქართველოს რეგიონულ მაუწყებელთა ასოციაციას, ჟურნალისტურიო ეთიკის ქარტიას, რომელზედაც გახორციელდა უხეში თავდასხმა და ასევე ვგმობთ საქართველოს არასამთვრობო ორგანიზაციების დაკნინებისა და ლანძღვა-გინების კამპანიას, რომელიც მოდის ამ პიროვნების მხრიდან“ _ აღნიშნა თვის გამოსვლაში რომან გოცირიძემ.
მისივე თქმით, იაკობაშვილის საბჭოდან გაწვევა საკმარისი არ არის და კანონი იძლევა იმის საშუალებას, რომ სამეურვეო საბჭოს გამოეცხადოს უნდობლობა მთელი შემადგენლობით.
_ ეს არის დღეს ერთადერთი გამოსავალი, _ აღნიშნა გოცირიძემ და კოლეგებს შესაბამისი პროცედურებიც შეახსენა.
ამავე თემაზე: მამუკა მდინარაძე: “დღევანდელ განცხადებას გავეცანი და გეტყვით, რომ ეს მიუღებელია”
რეგიონული მედიის მიმართვა საქართველოს პარლამენტს და საზმაუს სამეურვეო საბჭოს
კოალიცია “მედიის ადვოკატირებისთვის” პარლამენტს და GPB -ს საბჭოს მიმართავს
საზმაუს ბორდის წევრი ჟურნალისტური ეთიკის ქარტიაზე: “შეეშვით მაგ ასო-ზე სტატუსების წერას”
